Leinjiin Cana Coauneraachate, satiin cacha suujua coitucuujuera. Nii Cana Coaunerate, cana que coaarateein, Jorioniheichuru rai, rai Suujue tera. Nii jaunte raotojoeein acaauru raane coitucuhacache, cana rai, rai Suujue tihalune rijijieein, acaauru rai netonai, rai Suujue tihane jaunra. Coatiha nejelauneein, Jorioniheichuru coaraain nihei Cana Coaunerata. Satiin cana coaraane rijijieeinte, joaereein cacha coaraain ne Cana Coaunera. Nii jaunte, esenetaauruha acaauru netonaine jaun, acaauru suujue coluucoe Cana Coaunera, cana rai ichaane rijijieein. Satiinte, itaneein ne cacha.