Vèsè popilè nan Bib la ki soti nan Tesalonecau Nenacaauru Rai Leinjiin 5

Pataje

Raotojoeein rachoojoeeriin neeuche inetono janonaa bana. Cana Coaunera bajaebajajeein neeuche inetono janonaa bana. Chatohaneein inara tera nihane nihanatiin coroaaecuche, nitohaneein coujuriu Cana Coaunera Calaohi Jesocurisito esenetaera neein nenaa tocohaneein neeichene jeriha Cana Coaunerana jaun.

Acaiha nejeein nere esenetaain tonoraera neein neeichene coina inara suujua cureein atiin cana rai raoti ichaonaa tera Cana Coaunera. Aihute neculocohin neeine inara jaberoco, inara suujue aina coaiteen turuha Cana Curuaanaa Jesocurisito nereein tiaain. Nitohaneeinte ichareein nii Inara Cotiharalu, nitohaneein nihana jaun.

Coaracuche, jiaonriha inara rai baaso chara nihane coa nacatiha tacaain cainaain nihache. Ita belaain, saain itolere cacha, Cana Coaunera coitucuuruhi nihanatiin belaain neeuche.

Nii jaun nii aaichene rijijieein jiniiquiin ita suujua lararajiaain laraajiin neeuche.

Amihanenaa jeriheichuru cotaicha rijitiin suujuateein letoaauche. Chaaen chu nererojoecaain nenacaauru belaain suujuateeuchete, suujua tocharaain suujua nunaain neeuruhine. Chaaen chu nacanacaenaauru coroatajanecuche. Raotojoeein satiin acaauru suujuateein, acaauru suujua lararajiaain neeuche.

Coatiha caseteco coaraain nihacachene coina, cana raain nihei Cana Coaunera. Rai Calaohi Jesocurisito coreniha jianacoon mituhin nihacachene coinate cana raain ne Cana Coaunera.

Cana Curuaanaa jerenohin coitucuhin tonoraaichene jaunte, jiichoo conaera- cono cachaneein neeiche. Coatiha Cana Curuaanaa ere tonoraauruhi rijijieein nocohenaana nenaa cacha neein nihaacache.