Vèsè popilè nan Bib la ki soti nan Lucas 22

Pataje

Ãne te rowaptẽ: — Ĩmama, asima wẽ wamhã, ĩma ba'a za, te irobzépatazé hã. Tane nherẽ, mare di, te ĩsima iwẽzéb zarina hã. Asima iwẽzéb zarina si.

Tane nherẽ, Ĩmama wi, wa tô ai'ãma rowaptẽ, asina 're i'umnhasi mono zéb zô aiwi rowaptâ'â tõ da, duré apâ ĩtẽme asina siri wa, asisãnawã norĩ hã anhiptete da.

Tawamhã i'u'ẽtẽ wapu hã ma tô duré ti'â. 'Re ihâimana u'âsi mono ãma te duré tiwata. Taha pari ma tô te te wẽ'ẽ, i'u'ẽtẽ wapu hã. Isiré 're inomro mono norĩ ma, ma tô te te sõmri. Ãne ma tô tãma nharĩ za'ra: — Ã hã ĩhâiba, te wasu'u, asada za'ra wa'aba za ĩsisõmrizé. Ma'ãpé huri aba, ĩ'ãma rosa'rata sina.

Tawamhã saihuri pari, tô õne ma duré tãma sõmri za'ra, uva 'rãi wa'u isé hã. Te duré tãma nharĩ za'ra, ãne: — Ã hã uva 'rãi wa'u isé ré hâsizé hã, 'Re ihâimana u'âsi mono, tinhib'a'uwẽ norĩ ma, te te iropisutuzép té, te wasu'u, ĩwapru asada za'ra wa'aba za ĩwi isisa'wari hã.

Tawamhã tiwi robzei'õ uptabi nherẽ, Zezusi hã ma tô oto sa'ẽtẽ uptabi rowaptẽ. Tawamhã isu hã dawapru ne ma tô tiwi ti'a'a, ti'ai u.

Tane nherẽ, ai'reb za'ra wa'aba hã, ãne hã 're romhâimana mono tõ. Iwa'rãmi 're 'manharĩ za'ra wa'aba mono, ãne: Ai'reb za'ra wa'aba hã ni'wa dama pire na za 're ihâimana mono hã te za dama wapu na 're hâimana. Duré ni'wa dama rob'rui'wa hã 're hâimana mono, dama romhuri'wa na.

Tahawa Zezusi hã ma tô tãma waihu'u siro, ãne: — Pedru, tô sena wa za aima waihu'u siro. Ãhã na hã si'a hârâ wana ré, te za si'ubdatõ dawi ai'udâ, aima ĩwaihu'u õ na.