Vèsè popilè nan Bib la ki soti nan Madcos 16

Pataje

Aden chuishumbic: Nëbi nidaid utsi utsiec yacno nidanneta. Adec nidshun: Nuquin Papan namiacno tabadte iquendac, quequin Chiaid Bëda chuibenneta.

Abi tantiaquid utsi utsien Nuquin Papan nadatiambocquin nabanquid icmendac. Adquid icmiaidën umbi nabanondacpadombuen podobitsi icsa dapuduedaid icsho dapuduenmendac. Adembidi utsibon onquete tantienquio icbuedëmbi abi uëshëmbi tantiashun umbi naid chuibanendac. Adembidi nisin piaqui bidisquenquio iquendac. Adembidi: Uënësmenu, quequin dauë icsa acmiaqui uënësenquio iquendac. Adembidi nënec uënëstiadtsëcquio icquid icsho mishac bëdanendac, quepanëdash Esus.

Aden chuisho tantiaquid: Ubi cuidenquio icnuen Esusded Nuquin Papan cuidpanëdash. Adoaid tantiaquin: Umbi icsambuen naid ënnu, quequin ismequin acten mentomequid icsho Nuquin Papan abi yacno puduedmendac. Ubi tantiesain Nuquin Papan abi yacno puduedmenquio icquin cuidendac.

Ambo tsadquimbi nadatiambocquin namiac abëd icquidon nidaid utsi utsiec yacno nidanneshun: Nuquin Papan namiacno tabadte iquec, quequin Chiaid Bëda Esusën naid chuibennepanëdash. Aden chuibennesho: Umbi namiaid nec, quequin Nuquin Icbon nadatiambocquin namebampanëdash.

Adsho issumbien: Dacuëdenda. Esus Nasaded yacnocquid cueste napotiaidën dectanquin uënës uabued mibitedishun nibënaid uincuenanec nidosh. Nëmbobi nanac uebuedi nibëdeque. Is.

Adec onquenidquimbi cuënote dapan bëtashbued shëcniacsho istuidpanëdash. Aid cuënote dapa nuamboshë yec iuëmboshëcquid nepanëdash. Aden shëcniacsho isash shëcuën puduedquin isaquien dada cania dashcute ushumboshëcquid dasiuidash abiucquio tsadsho ispanëdash. Aid istanec chidobo dacuëdcuededpanëdash.