Qaq huaña nache ỹanem da no'on la'aqtac so José, 'eeta':
«Ñim Lo'onatac 'Enauacna ñim lalaxaret soua ita'al Abraham qataq so Isaac;
Ñim aỹem nteltega chegoqchiguiña so na'a'q co'ollaq sañiguiñi,
so namaxashec maye aỹem nca'alaxateeguesop nam qauemsat,
ỹanema qome ca lchoxonnataxanaxa ne'enaua nogotolqa.
Da yaqto' chegoqchiguilo naamaye da saishet da qaicoua'ai da ỹe'enaxat,
qataq da le'enaxat soua ita'al Abraham qataq so Isaac.
Qataq ỹataqta qalota qome ca llalaqpi naamaye ana'ana 'alhua.»