Vèsè popilè nan Bib la ki soti nan Hechos 5

Pataje

Hinaptinmi Pedrowan wakin apostolkuna nirqaku: Runakunamanta puntataqa Diostam kasukunayku.

Mana samaykuspankum templopipas, wasikunapipas sapa punchaw, Jesucristomanta willakuspa yachachiqku.

Hinaptinmi Pedro nirqa: Ananías ¿imanasqamá Satanasqa sonqoykita munaychakurun, chaynapi chakra rantikusqayki qollqeta rakikuykuspayki Chuya Espirituta llullakunaykipaqqa? ¿Manachum chakraykiqa qampa karqa? Ña rantikuruptikiqa ¿manachum makillaykipi chay qollqeqa karqa? Manam runakunatachu llullakurunkiqa, aswanqa Diostam, nispa. Kayta uyariruspanmi Ananías pampaman wichiykuspa wañururqa. Chaymi llapallan uyariqkuna anchallataña mancharikururqaku.

Chaymi nikichik, ama imanaychikchu kay runakunataqa, paykunataqa hawkallatayá saqeykuychik. Sichum yachachisqanku otaq imam ruwasqanku runakunallamanta kaspanqa chinkarunqam. Diosmanta kaptinmi ichaqa imayna chinkarachiytapas mana atiwaqchikchu. Chaynaqa, cuidakuychikyá, yanqañataq Diospa contranpi peleachkawaqchik, nispa.