Vèsè popilè nan Bib la ki soti nan Cybinchben 2

Pataje

Atzunte Pedro xi tma'n cye: —Tajtz ti'j cyanmiye ex tu'n tbyan teyle junjun cyeye tuj tbi Jesucrist tu'ntzun tnajset cyile; ex ctzajeltzun tk'o'n Dios Xewbaj Xjan te jun oyaj cyeye.

Ex ax e cyaj ten cycyakil tuj xnak'tzbil cyu'n apostl, ex at cymojbabl cyib, ex cucx nno'c cychmon cyib tu'n tcub cysipan wabj cyxol, ex cucx in che na'n Dios.

Ex cycyakil baj noj tuj cyanmi tu'n Xewbaj Xjan, ex e oc ten yolil tuj cyyol junxitl xjal, ic tza'nx in tk'o'n Xewbaj Xjan tu'n cyyolin ti'j.

Ex minabencu tzaj jun tk'ajk'ajel tuj cya'j, ic tza'n jun cyk'ik' in xumin wen, ex nimxix tk'ajk'ajel ul tuja jatum k'ukl ke'tok. Ex o cyil jun señ ic que'yin ic tza'n k'ak' in julin, cub ten tibaj cywi' cycyakil. Ex cycyakil baj noj tuj cyanmi tu'n Xewbaj Xjan, ex e oc ten yolil tuj cyyol junxitl xjal, ic tza'nx in tk'o'n Xewbaj Xjan tu'n cyyolin ti'j.

Tcyakil k'ij in che pon tuj tja Dios, in cub cysipan wabj tuj cyja ex in che wa'n junx tuc'il tzalajbil ex mans cyanmi. In cyk'o'n chjonte te Dios, ex ba'n e je'l tuj cywitz cycyakil xjal. Ex tcyakil k'ij in che chmet-xi ocslal tu'n Kajaw, akeju in che clet-xi junjun k'ij.

Chi Dios: Tuj mancbil k'ij ctzajel nk'o'ne Nxewe tuj cyanmi cycyakil xjal; ke cycy'ajale ex ke cyme'jele che oquel te nsanjele tu'n t-xi cypacba'n nyole cye xjal, ex ke cu'xun ate' cyxole at ctzajel yec'un cye mer ic tza'n tuj witzic', ex ke tij xjal cyxole c'elel cynic' ti'j tuj witzic' aju wajbile cye.

Cycyakil keju otok che ocslan ate' junx, ex tcyakilju at cye in baj cysipan cyxolx. In xi cyc'ayin cytx'otx' ex ju at cye, ex in xi cysipan pwak cye cycyakil, nok alcye at tajbenxix te junjun.

Ex cycyakil keju in che cubsan twitz Kman che cletel, chi tuj Tu'jil.

Cmeltz'ajel ju k'ij tu'n toc te klolj, ex aju xjaw c'oquel que'yin ic tza'n chic' na'nxtok tul tk'ijlalil tu'n tul Kman, jun k'ij nim toclen ex ckoptz'ajelxix.