Vèsè popilè nan Bib la ki soti nan Sáŋa 6

Pataje

Uganyɛ gɔ́b ká: «Yaŋuá inyá gɛnyɔka giéŋeniné gusɔ́d. Mɔnd wúlené agamia udɛgand gunɔ́mɛ́d nsana, ewe sɔ́n wuŋádábaná dɛɛ́nuánd gunɔ́mɛ́d nɛɛ́da ta buɔ́s.

Ɛsámb yá Mefúny yéŋené gusɔ́d, nuɔ́l digúdúgúne ta gá buanda, gugál imɔ́ɔnuɔ́yɔɔ́n guúlenin agá Ɛsámb yá Mefúny, gúguéŋen gusɔ́d.

Nudialá buol gá manyán másɛ́ŋɛsɛŋá, ánualá buol góbúsió bá manyán mábábaná moónd méŋeen gusɔ́d gá kand nɛmanɛ́ná. Mád manyán Mɔɔn wá mɔnd ganúnúfá. Gá guán, Babá unyá Gɔdányá umáag wɔ́ gɛlɛns gág gá bugaga.»

Babá wam gúbíléne ká mɔnd gidigid umánuán mɔɔn, wond wádáb wɔ́, bia gusɔ́d gá kand nɛmanɛ́ná. Yaŋuá, inuényi wɔ́ aga ebeguén buɔ́s bá gusúgúdenyi.»

Yésu guondinyi bɔ́ ká: «Buol ubú Gɔdányá bídenyé gán, búnyá ká nuádáb ewe umáadɔ́m.»

Band gidigid ɔbɔ́ Babá ámfánaná guúlen agamia, ndigeen sɔ́n ewe ugenuúl agamia.

Simune Piéle guondinyi ká: «Ɔgúnɔ́, dɛɛ́b agányá ondodió e? Anyɛ na gugál guéŋené gusɔ́d gá kand nɛmanɛ́ná.

Yaŋuá inyá gɛnyɔka gíméesele ugumuana, giéŋené gusɔ́d. Ewe unyánaná gɛ́ nyɛ na gusɔ́d gá kand nɛmanɛ́ná. Gɛnyɔka ngenúnuéŋin nyɛ nuɔ́l nám. Nguéŋen nú ká band bia gusɔ́d.»

Mɔnd dɛbá béguúl agamia ɔ́gɔ Babá umáandɔ́m dimɔ́bɛ́gɔ́gɛ́dɛn wɔ́. Yaŋuá gɔg ngenyi wɔ́ aga ebeguén buɔ́s bégusúgúdenyi.

Búnyɛ nɔ́ ká gɛnyɔka ɛgɛ́ Gɔdányá éŋené, gɛ́nyɛ egie gílené ugumuana giónd giéŋeen gusɔ́d gá band bá gus.»

Inyɛ gɛnyɔka giéŋeniné gusɔ́d.

Yésu gugɔ́l bɛnyɔka guéŋin Gɔdányá nukany, uwefenyi bɛ́ gá ebe bámáabá kɔ́. Uwaal buanda búmoom na muɔbɔ, uwéŋen sig mɔnd a, nɛnama nɛ́máasɛgɛ́mánán ká wódúg. Bamáal bámányá gidigid wɔbɔ obódúgoón, Yésu guɔyɛd gá bafɔ́nɔfɔ́n bág ká: «Ánubádá biéns gidigid, ta gá gímoom gídínyim.»

Báfɔ́nɔ́fɔɔ́n mabá bámámán gúbaga madɛ́ga buanda bá bakílomɛ́ta bátán, gúmén bátɛ́ndád, abaán Yésu wuúlen ɔgɔ́b gá gilu. Umabá wanda agá madɛ́ga, buwa ubuádɛgɛn bɔ́. Yésu ganyɛ gɔ́b ká: «Yaŋuá wɔ́, nudiábiánán buwa!»