Vèsè popilè nan Bib la ki soti nan Римлыларга хат 3

Pataje

Бөтенесе дә гөнаһ кылып Аллаһы даныннан мәхрүм калды бит; әмма Аллаһының мәрхәмәте белән аклану һәммәсенә бүләк ителә, чөнки Аллаһы, Гайсә Мәсихнең гомерен биреп, аларны йолып ала.

Аллаһының кешеләрне аклавы Гайсә Мәсихкә ышанган һәркемгә иман аша бирелә, чөнки кешеләр арасында аерма юк.

Гайсәнең каны аша иман итүчеләрнең гөнаһлары кичерелсен өчен, Аллаһы Гайсә Мәсихне корбан буларак алдан билгеләп куя. Шулай эшләп, элек кылынган гөнаһлар өчен җәза бирмичә, чиксез сабырлык күрсәтеп Ул Үзенең хаклыгын раслый. Ул хәзер дә Үзенең хак булуын күрсәтә: Хаклык иясе буларак, Гайсәгә иман китерүчеләрне аклый.

Канун таләпләрен үтәп кенә Аллаһы каршында беркем аклана алмый; Канун бары тик нәрсәнең гөнаһ булуын гына күрсәтә.

Язмада әйтелгән: «Бер генә тәкъва кеше дә юк, бер генә дә. Акылга ия беркем юк, Аллаһыны эзләми беркем. Һәммәсе юлдан язган, бердәй бозылган; игелек кылучы күренми, берәү дә юк».

Без бит кешенең Канун таләпләрен үтәве белән түгел, ә бәлки иман аша аклануын таныйбыз.

Әлбәттә, юк! Һәрбер кеше ялганчы булса да, Аллаһы Үз сүзендә тора. Бу хакта Язмада болай дип әйтелгән: «Гаепләү сүзләрең хаклыдыр, хөкемдә Син җиңәрсең».