Vèsè popilè nan Bib la ki soti nan လုကာ 18

Pataje

အနီပုန်ပိ ကိုယ်တော်ယေရှုလော့ ပတာဟော စိတ်ဓာတ်အားလျှော့ငှားအုံ အမြဲတမ်းဆုတောင်းအောင် လာ့ဝိုင့်အကြောင်းငဟော့ ယတပည့်တော်ဝဲ့ယာ ပုံဥပမာအုဝတ်တို အဟောက်တို့။

တစ်လောက်ကာနိုးပုဝါ တရားမျှသမှု့မော့ငှားဟော့ တရားသူကြီးဝါဟော ယလော့ ထောက်လော့ထောက် အတုံးကနို ယငဟော့ ဟန်ဆေးလော့ ဘုရားရှင်လော့ မိမိထံငွါ နှုတ်အရမ်းပြတ် ဆုတောင်းကနို ယနိဝါ ဖြည့်ဆည်းမပေးတစ်အုံ ကြာရှည်အုံ ဆိုင်းငံ့ထားတော်အမှု နောင်နိခင်းမို့။ နောင်နိယာ ကေ့လော့ကဟောက်ဝဟော့၊ ဘုရားရှင်လော့ ယနိတောက် တရားမျှသမှုငဟော့ အမြန်အစီရင်ပိတ်ကိုင်း။ ဆိတ်လော့ဟော ကမ္ဘာပေါ်ဝါ ချောင်စိုးနော် ပြန်လော့ ကြွလူးဟော့အချိန်ငါ ယယုံကြည်ငဟော့ချောင်ပေါတ်နောတ်နောတ် အခွင့်လအယ်မိုး" သိမ်အမိန့်တော်မူတို့။

ကိုယ်တော်လော့ "ချောင်ငဲ့တောတ် အဖြစ်ခုငှားဟော့အရာဝဲ့ယဟော့ ဘုရားရှင်လော့ အဖြစ်ခု" သိမ်အမိန့်တော်မူတို့။

အချိန်အတော်ကြာအထိ တရားသူကြီးလော့ အနီပုဆိုးမလော့အတောင်းဆိုအိုဝဟော့ အညာမ်း။ ဆိတ်လော့ဟော့ နောက်ဆုံးငါ ယလော့ 'ကေ့လော့ဘုရားရှင်ငဟော ကျေးယငှူ၊ ချောင်ငဲ့အပေါ်ဝါဟော့ အလေးသောက်ကငှူ။ ဆိတ်လော့ဟော နီမုဆိုးမလော့ ကေ့အပေါ်ဝါ အဆက်မပြတ်အနှောက်ယှက်ကြောင်းငို ကူညီငှာနော ကလာ့ဝိုင်ဟီ။ တစ်လောက်ကာနိုးပုဝါနိုး နီနတိုးနူးငဟော့ ကေ့ငွါ အကြိမ်ဖန်အနည်း လူးလော့တဲ့ အနှောက်ဆက်ပိတ်ငဟော့ အရပ်တန်းဝဲ' သိမ်ယလုံသယမစဉ်းစားတို့" သိမ်အမိန့်တော်မူတို့။

နောင်နိယာ ကေ့အမှန်တိုင်းကဟောက်လာ့ဝိုင့်နပါ၊ ဘုရားရှင်သာသနာတော်ငဟော့ ဆမီးစအောင်ပေန်းနောတ်လှောက်ကာ လက်ခေါင်းငှာဟော့ချောင်ငဟော့ ပသာဟော အဝေါင်ခွင့် နလာ့အာဝိုင်းဆိတ်က" သိမ်အမိန့်တော်မူတို့။

ဆိတ်လော့ဟော ကိုယ်တော်လော့ ဆမီးစအောင်ဝဲ့ ဘိက်အိပ်လော့သဲ့ "ဆမီးစအောင်ဝဲ့ ကေ့ငှာလူးပွယ့်ရွှီ။ သူနိငဟော့ ငါးအားဝိုင်သိ။ အကြောင်းငဟော့နပါ ဘုရားရှင်သာသနာတော်ဝါ အအွမ်းလအယ်ဟော့ချောင်ငဟော့ အနီဆမီးစအောင်လော့ကာ မိမိကိုယ်ကို အနှိမ့်ချဟယ်ဟော့ ချောင်ငဲ့နိုးအဖြစ်။

အနိပိစ ကိုယ်တော်လော့ "အမိတ်မှူးအူဆီး။ နောင်းရွမ်အွမ်နောက်ကဟော့လော့ နောင်းအကုပိတ်ဟီ" သိမ်အဟောက်။

ကိုယ်တော်ယေရှုလော့ ယဝါ "ကေ့ယာပိုင်သိမ်ကြောင်းငိုအပွယ် သိမ်နဟောက်တို့ဝိုး၊ ဘုရားရှင်နာဟော့လွေးလော့ ပွယ်ဟော့ချောင်နီးဟော့မွက်ယ။