Vèsè popilè nan Bib la ki soti nan யோவான் 21

Pataje

அவர்கள் உணவருந்தி முடித்த பின்பு இயேசு, சீமோன் பேதுருவிடம், “யோவானின் மகனான சீமோனே, இவர்களைவிட நீ என்னில் அதிக அன்பாயிருக்கின்றாயா?” என்று கேட்டார். அதற்கு அவன், “ஆம் ஆண்டவரே, நான் உம்மை நேசிக்கிறேன் என்பது உமக்குத் தெரியும்” என்றான். அப்போது இயேசு, “என் ஆட்டுக்குட்டிகளை மேய்ப்பாயாக” என்றார். இயேசு இரண்டாவது முறை அவனிடம், “யோவானின் மகனான சீமோனே, நீ என்னில் அன்பாயிருக்கின்றாயா?” என்று கேட்டார். அதற்கு அவன், “ஆம் ஆண்டவரே, நான் உம்மை நேசிக்கிறேன் என்று உமக்குத் தெரியும்” என்றான். அப்போது இயேசு, “என் செம்மறியாடுகளை மேய்ப்பாயாக” என்றார். மூன்றாவது தடவை அவர் அவனிடம், “யோவானின் மகனான சீமோனே, நீ என்னை நேசிக்கிறாயா?” என்று கேட்டார். மூன்றாவது தடவையும், “நீ என்னை நேசிக்கிறாயா?” என்று இயேசு கேட்டதனால் பேதுரு துக்கமடைந்து, அவன் அவரிடம், “ஆண்டவரே, நீர் எல்லாவற்றையும் அறிந்திருக்கின்றீர்; நான் உம்மை நேசிக்கிறேன் என்பதையும் அறிந்திருக்கின்றீர்” என்றான். இயேசு அவனிடம், “என் செம்மறியாடுகளைப் பராமரிப்பாயாக.

நான் உனக்கு உண்மையாகவே உண்மையாகவே சொல்கின்றேன், நீ இளைஞனாய் இருந்தபோது, நீயே ஆடை அணிந்துகொண்டு, நீ விரும்பிய இடத்துக்குப் போனாய்; ஆனால் நீ முதிர்வயதாகும்போது, நீ உன் கைகளை நீட்டுவாய், வேறொருவன் உனக்கு ஆடை அணிவித்து, நீ போக விரும்பாத இடத்துக்கு உன்னை வழிநடத்திக்கொண்டு போவான்” என்றார்.

அவர் அவர்களை நோக்கி, “வலையைப் படகின் வலதுபுறமாக வீசுங்கள். அப்போது உங்களுக்கு அகப்படும்” என்றார். அவர்கள் அவ்வாறு செய்தபோது, ஏராளமான மீன்கள் அகப்பட்டன. அதனால் அவர்களால் அதை இழுத்தெடுக்க முடியவில்லை.

சீமோன் பேதுரு அவர்களிடம், “நான் மீன் பிடிக்கப் போகின்றேன்” என்றான். மற்றவர்களும், “நாங்களும் உன்னுடன் வருகின்றோம்” என்றார்கள். எனவே அவர்கள் புறப்பட்டு ஒரு படகில் ஏறிப் போனார்கள். ஆனால் அந்த இரவு, அவர்கள் மீன்கள் எதையும் பிடிக்கவில்லை.