Vèsè popilè nan Bib la ki soti nan Мисирден чыгъыу 2

Pataje

Аллах аланы термилгенлерин эшитгенди эмда Ибрахим бла, Исхакъ бла, Якъуп бла этген кесаматын эсине келтиргенди. Аллах Исраил улуларына эс буруп, алагъа жазыкъсыннганды.

Кёп заман озгъандан сора, Мисирни патчахы ёледи. Исраил улулары къыйын ишден ынчхап, къычырыкъ эте эдиле, аланы ауур ишден жалбарыулары Аллахха жетгенди.

Сабийчик ёсюп уллу болгъанында, тиширыу аны фыргъауунну къызына келтиргенди. Фыргъауунну къызы да аны кесине жаш этгенди эмда анга Мусса атагъанды, нек дегенде, «мен аны суудан чыгъаргъанма» – дей эди.

Фыргъауунну къызы тиширыугъа: – Бу сабийчикни алып, манга ёсдюр. Мен санга хакъынгы берирме, – деди. Тиширыу сабийчикни алып, эмчек асырагъанды.

Бир замандан фыргъауунну къызы жууунургъа Нил сууну боюнуна тюшеди. Аны къарауашлары да суу жагъада жюрюй эдиле. Фыргъауунну къызы къамиш ичинде четенни кёрюп, къарауашын ийип, аны келтиртеди.

Кёп заман озгъандан сора, Мусса ёсюп, уллу болгъанында, анга ёз къарындашлары, Исраил улулары болгъан жерге чыгъаргъа тюшгенди. Аланы ауур ишлерине карагъанында, бир чюйютлюню, ёз къарындашларындан биреуню, мисирли тюе тургъанын кёреди. Тёгерегине къарап, алайда бир киши да болмагъанын кёргенинде, мисирлини ёлтюрюп, аны юзмезде букъдуруп къояды.