Vèsè popilè nan Bib la ki soti nan Rɔmënyüü 6

Pataje

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

'be ‑balʋ ‑ka ‑nëmä 'amɩ 'klü ‑gälɩ ‑a kälä. ‑Dɔ ‑kanyɩ 'kama 'amɩ ‑a, ‑maa Nyɔsʋaa ‑gbinanakʋ 'uu 'kama 'amɩ.

‑Bɛ 'a 'nɩwlipapakʋ 'lɩ a nyra 'Kriisë järä 'wʋ, 'ünya ‑träärä amɩ ‑pɩɔ 'doo 'wʋ. 'Ü 'pa amɩ 'nɩwli amä 'klä dëdrä ‑gälɩ 'nyɛrɛ 'sɩrɩ Tʋa 'wliklɩbʋabʋakʋ 'lɩ 'ɔ 'baa' 'Kriisë jäjänyüüa ‑tɔrʋpɩɔ.

'Anyɩ 'sara 'ana fugba ‑balʋ kälɩ ‑beere 'jrʋpafɛdiili 'nyɩ nʋa' 'klɩgägbi. ‑Maa 'ba 'sara 'ana fugba Nyɔsʋa kälɩ ‑beere 'lɩbänyüü sɔa' 'kuaabre, 'amä 'jrʋpafɛdiili nöa' wiili ‑gäa' 'klɩ bä

A jre 'iin 'sɩrɩ 'ɔɔ ‑bɛ ana ‑kätɩnyɔɔ koloa' ‑pɩɔ 'doo 'wʋ. 'Ii känyrɩ ‑taa ‑balʋfugbalä kä 'ämä bʋblɔ a ‑kapɩ ‑balʋa ‑goou bä.

'Ii känyrɩ nɩ, 'ama 'jä ‑balʋ nɩ, 'ba 'jä 'ana nyüfë ‑beere jäjänyüü, ‑bɛ 'anya Jesu 'Kriisë ana 'Pläkänyɔɔ ‑maa' nɩ, 'ba bä 'lɩbänyüü Nyɔsʋaa ‑gʋ.

‑Bɛ ‑a 'jä 'iin le? 'Kä anya 'daa amä ‑balʋ nʋa 'doo ‑bɛ Nyɔsʋa 'mä 'ɔa ‑gbinanakʋ ‑gälɩ 'paplaa? 'Klaaklä! Anya 'a jä. 'Ii känyrɩ anya 'a ‑balʋa mlɩ 'wʋ. ‑Asɩ a ‑ka 'mä ‑balʋ mlɩ kʋ le?

'Anyɩ 'saa ‑a jre 'ama ‑nyɩ 'ana nyüfë nyɔɔ kälɩ 'amä 'ɔa ‑goou bä nɩ, 'a kä 'amä 'lɩ 'ɔɔn ‑träärä? 'Ama ‑wa 'ba ‑träärälɩ ‑balʋlʋ faa' 'amɩ jäjä mlɩ, 'aiɛ 'ba ‑träärälɩ Nyɔsʋalɔ faa' 'amɩ 'klɩgägäkʋ 'lɩ.

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ. ‑Bɛ 'a sɔa' ‑balʋa 'mlɩ nɩ, 'anya 'a 'klɩgägäkʋa ‑goou nʋ.