Vèsè popilè nan Bib la ki soti nan Rɔmënyüü 1

Pataje

'Be 'nyɩ 'Mʋfagogolä 'paaa' 'Kriisëa ‑gäa 'sasakʋa 'nyüsü ‑a kä. 'Ää bä Nyɔsʋaa 'klülü 'ɔ ‑sröröa' kälɩ ‑bɛ 'ɔ 'pʋɔa' nyɔɔ o nyɔɔ toroa' 'ɔɔn plɛ: kolo juifë ‑gälɩ 'kä, ‑a jrä ünyɩa' juifë bä ‑gälɩ.

'Ää srara 'klɩgägäkʋlʋ sɔa' Nyɔsʋa ‑nyɛɛ: nyɔsʋaplɛtorokʋa 'doo 'lɩ 'ü 'järä 'klɩgägäkʋ sɔ 'ia 'käkolofa 'wʋ ‑a ‑tɔɔ 'ia bɩarafa 'wʋ, 'sɩrɩ 'i ‑jɩjraa': « Nyɔɔlɔ ‑gäa' 'klɩ nɩ, 'ɔa 'klä bä nyɔsʋaplɛtorokʋ 'lɩ .»

'Be 'bala 'pläa nʋnʋtaɩn 'lɩ, wiili a ‑kaapɩɔa' Nyɔsʋa ‑gba 'järä nɩ, 'iibä 'ɔa 'klülü 'nyɩ bɩaraa' nyra 'sɩrɩ 'ɔa 'doo bäa' Nyɔsʋa, a 'järä 'ia 'fɩɔlʋ diili 'ɔ nʋa', 'ia 'mlɩ. 'Ii känyrɩ nyüü ‑nëmä ‑gbagbawii ‑a kä.

'Asɩɛ 'ü jre 'iin 'sɩrɩ Nyɔsʋa bäa' 'plä 'wʋ ‑maa 'ünyɩ 'ɔɔn 'bʋala ‑a 'bʋala, 'ünyɩ 'ɔɔn 'trɛɛ ‑a 'trɛɛ. 'Ü ‑gölöa' 'üa bɔwɛ bobowli 'ü 'nyɛɛ ‑gälɩ, 'äa polulu 'nyɩa' bobokʋ kä nya blö 'jöjrüükpü 'lɩ.

'Ü ‑tʋ Nyɔsʋaa 'cɩcasaa ‑pi 'lɩ ‑gbagblɛ: diili 'ɔ nʋa' 'ii 'ü ‑pʋpʋa, 'ii 'ü ‑tʋʋä 'nyügba ‑bɛ 'ü tɩɛ ‑plɩɩ Diiafɩɔanʋnʋnyɔɔ. 'Ɔɔ a kä amä 'bʋala 'plɔʋplɔʋ. 'Asɩ i bä!

‑A ‑gbala 'amɩ, 'bala cɛlɩ Nyɔsʋa srara amɩ 'sɩrɩ 'crɛ 'blaaa' 'ɔɔn: nyüü 'nyɩ 'ba 'ɔɔn nyɔɔ 'wʋ ‑a 'plɔʋ, 'ü nö ‑balʋgbia 'fɩɔ. 'A 'üa ‑balʋgbili 'ü nö ‑bɛ 'ü kakla 'cɩcasa ‑fʋflʋ 'klɩ.

'A 'ia ‑gʋ Nyɔsʋa 'sara 'üün wiili bäa' 'nyüsü 'wʋ kälɩ: 'üa 'ŋlëgë 'nyɩ 'pa ‑salä käläa' 'lɩ ‑a, ‑maa ‑salä 'nyɩa' bätänyɔɔa ‑gbi bä, 'ää 'ü 'paa. 'Asɩ nyɩbɛrʋa 'mʋgbɛ nyra 'ŋlʋʋ ‑kanyɩ 'pa ‑salä käläa' 'lɩ ‑a, ‑maa 'üa 'kpɔa 'tʋ 'sesie 'üün 'lɩ: nyɩbɛrʋ ‑bɛ nyɩbɛrʋ 'pie, 'nyüsügbi 'ü nö. 'Ü nöa' 'imɩ nɩ, 'üa 'pɛɛ bä 'pɔnɩkʋ 'üa 'nyʋfɔwʋsɔsɔkʋa ‑gʋ. ‑Bɛ Nyɔsʋa jejrekʋ 'nyɩa' 'üa ‑nyɛɛ ‑gbaa kä nɩ, Nyɔsʋa nya 'cɛrɛ 'üün ‑wälɩ 'üü ‑bɛ 'üa bʋbɔbobowli 'sɔ 'ümä wiili 'nyɩa' nʋnʋsa bä nʋ.

'Üa plɛ 'ü ‑glalɩ, ‑maa mlüünyüü 'ü bä. 'Ünya ‑tʋ Nyɔsʋaa 'wliklɩbʋabʋakʋlʋ 'nyɩ 'cicia' 'ia ‑pi 'lɩ ‑papawäsɩa: nyɔɔ ɔ 'mrɛɛa' 'ɔmäa' jä nɩ, 'ɔɔ 'ü ‑paaa ‑kä nyisie, ‑kä mlaalü 'nyɛrɛa' bei mlɔɔ nyra ‑pɛrɛdii 'ii 'ü nrörö 'üa ‑wäsɛ 'lɩ.