Vèsè popilè nan Bib la ki soti nan Jaan 16

Pataje

Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»

'Taɩn 'lɩ ‑Susulu sraraa' 'cɩcasa 'mäa' ji nɩ, 'unya 'amɩ 'cɩcasaa 'fɩɔ sraraa. ‑Mää 'ua 'mʋgbɛa 'nyrɩklɩ 'u ‑nëmä wii 'pala, ‑maa wiili kä 'fɩɔ 'u 'nua' 'wli nɩ, 'ii 'umä 'amɩ ‑gbala, 'kä 'unya bɩa 'amɩ wiili bäa' dɛrɩ i jöa' ‑gbala.

'A ‑kaapɩɔ 'na 'nyrɩklɩ dɛɛ ‑a ‑sɛɛrɛ. 'Ba ‑sɛ 'ɛɛn, 'anya 'ɛɛn 'jäa, ‑bɛ ana dɔrʋ 'mä 'wlisie.

‑Bɛ 'cɩcasa 'n ‑gbala 'amɩ, ama mi nɩ, 'i 'na 'ana ‑gʋ. Ama 'nyɩ mi ‑a mi ‑Gbajisusulu ‑ka ‑nëmä ji ‑a ji, ‑maa ama mi nɩ, 'nyaa 'amɩ 'uun jaa. Uma ji nɩ, 'uu nëmä 'pläa 'mlɩa nyüü ‑fälɩ be, dɛɛlɛ bäa' ‑balʋ, ɛ bäa' 'klɩgägäkʋ ‑bɛ dɛɛlɛ bäa' ‑gätʋtʋkʋ.

'Ii känyrɩ 'ana 'mʋgbɛ, 'köklesa 'ana plɛfie, ‑maa 'nyaa 'sɔɔwʋ 'amɩ 'jäa, 'kä dɔrʋ nya 'amɩ 'bla. 'Ia dɔrʋlʋ nɩ, nyɔɔ ‑nëmä 'amɩ 'uun plɛklɩ ‑a 'ba. «'Ia ‑srɩlɩa 'mlɩ nɩ, 'a ‑ka ‑nëmä 'mɩ ‑a 'bete. 'Tasɩrɩa 'cɩcasa 'n ‑gbala 'amɩ, dɛɛ 'amäa' Tʋ ‑sɛ, 'na 'nyrɩklɩ 'ɔnya 'amɩ 'ɛɛn ‑nyɩa.

'Tasɩrɩa 'cɩcasa 'n ‑gbala 'amɩ, 'anya 'wua, 'anya ‑sɩsraa, ‑bɛ dɔrʋ nya 'plä 'blaa. 'Anya 'kpɔɔa, ‑maa 'ana 'kpɔkpɔɔkʋ nya dɔrʋ 'lɩ ‑sröröa.