Vèsè popilè nan Bib la ki soti nan Ɛfɛsënyüü 1

Pataje

ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre. ‑Bɛ 'amä 'ɔa 'klü kpakülü ‑fɛɛɛrɛa' amɔlɔ toroa' 'ɔɔn plɛa 'kläa 'mlɩa 'jrʋpa jre. 'Ia 'klülü nɩ, 'klü 'kɔkɔmlɛ Nyɔsʋa nʋ 'ɔnya srara 'üün. ‑Jäsɩ 'ɔ sraraa' 'üün nɩ, 'a 'taɩn 'lɩ 'ɔ 'baa' 'Kriisë 'kuaabre ‑bɛ 'ɔ 'sria' 'ɔɔn 'ɔa 'dupa 'pɛlɩ 'kä cɛɩɩa 'mlɩ. 'Kriisë bä 'kamanyüüa 'fɩɔa 'wliklɩ, 'ɔ bä 'klüa 'fɩɔa 'wliklɩ, 'ɔ bä 'kɩɩɩ nyra 'cifua 'fɩɔa 'wliklɩ: 'ɔ bä 'nyrɩa 'fɩɔa 'wliklɩ, ‑mää ‑tɛ ‑tʋtʋlʋ kʋa' ‑pɩa 'dooa ‑gälɩ ‑a, ‑maa ‑sraakäpɩa 'pläa 'mlɩ bɩa.

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ. 'Ɔ 'a kä 'lɩ amɩ 'ba amä 'ɔa 'sɔrɔjü bä Jesu 'Kriisëa 'nyrɩklɩ; 'asɩ 'i käa' 'ɔmɩ 'tʋ, 'asɩ 'ɔ nʋ 'iin.

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.