Vèsè popilè nan Bib la ki soti nan Римын оліссезлӧ 6

Pataje

Умӧль керӧм понда вештісьӧмыс ─ кулӧм, а Енлӧн козиныс ─ пырся олан миян Дӧсвидзись Кристос Исускӧт ӧтлаасьӧмын.

Умӧльыс ась оз вермы тіянӧс. Тійӧ эд абу Туйдӧтыс вын увтын, тійӧ эд Енлӧн бурсетӧм увтын.

Сідзкӧ, пыртчӧмным коста мийӧ кулім, Кристосыскӧт вӧлім дзебӧмӧсь. Айыслӧн югьялан вынӧн Кристосыс ловзис. Сідз и мийӧ пондім овны вильмоза.

Вывтырсиныт ӧтік торлӧ эд лэдзӧ керны умӧльсӧ. Тійӧ эд кулӧммезісь ловзьӧмӧсь. Асьнытӧ быдсӧн сетӧ Еныслӧ. Вывтырсиныт быд торныт ась керӧ Ен сьӧрті веськыта.

Тӧдамӧ: мийӧ одззаэс дорӧмӧсь Сыкӧт, медбы миян вывтырным ӧштіс вынсӧ керны умӧльсӧ. Умӧль керӧмыс ась оз ни видз сэсся миянӧс аслас домӧттэзын.

Тійӧ миян Дӧсвидзись Кристос Исускӧт ӧтлаасит. Сідзкӧ, умӧльсӧ керӧмыслӧ шуӧ асьнытӧ кулӧммезӧн, а Еныслӧ ─ ловьяэзӧн.

Мый висьтавны? Одзлань пондам керны умӧльсӧ Енлӧн бурсетӧмыс содӧм понда? Огӧ пондӧ! Умӧльсӧ керны мийӧ кулӧмӧсь! Кыдз сэк миянлӧ одзлань овны умӧльсӧ керӧмӧн?

Одӧ я тӧдӧ: кинлӧ асьнытӧ сетіт, тійӧ нылӧн раббез, нійӧ и кывзісят. Умӧль керӧмыс видзӧ кӧ тіянӧс аслас кӧртӧттэзын, то мунат кувны. Енсӧ кӧ кывзісят, лоат Сы сьӧрті веськыта оліссезӧн.

Ошка Енсӧ тіян понда. Ӧні эд сьӧлӧмсянь пондіт овны велӧтӧмыс сьӧрті, кӧдӧ тіянлӧ висьтасисӧ. Одзжык тійӧ вӧлітӧ умӧль керӧмыслӧн раббез. Умӧль керӧммезісь мезмӧм бӧрсянь тійӧ асьнытӧ быдсӧн сетіт овны Ен сьӧрті веськыта.