Vèsè popilè nan Bib la ki soti nan Roma 9

Pataje

Yanagaw ya pagkallat na Tyumanem, bekeꞌ na asuntu sa pag-imoꞌ nilan sa madyaw aw bekeꞌ uman na asuntu sa kanilan pagkaliman. Manang yan oloꞌ ya du-an, kay kyallatan nan silan.

Kay miglong ya Tyumanem kan Moysis, “Kallatan ku ya pangkay singalan ya kaliman ku kallatan. Aw pakadyawun ku ya pangkay singalan ya kaliman ku pakadyawun.”

Manang singalan kaw na magpa-ayil sa maynan adti Tyumanem? Utaw kaw saba oloꞌ na pig-imoꞌ nan! Kasiling kitadun na kulun. Aw diliꞌ makapaglong ya kulun adti mag-imo-ay kanan, “Anangaꞌ aku mu imo-un na maynini?”

Yanagaw, ya kallat na Tyumanem pigpakitaꞌ nan adti pangkay singalan ya kaliman nan kallatan, aw pigpakategel nan ya pangkay singalan ya kaliman nan pakategelen.

Ya mag-imo-ay sa kulun, yan ya magbayaꞌ kun unu ya imo-un nan adti libukuk na lupaꞌ. Kun kaliman nan imo-un duwa, ya sambuk imo-un nan madyaw na seledanan aw ya sambuk diliꞌ to-o madyaw na seledanan, mabatug nan saba kay yan ya magbayaꞌ.