Vèsè popilè nan Bib la ki soti nan Pigpan-imo' 2

Pataje

Aw tyumubag si Pédro kanilan, “Ya tagsambuksambuk kamayu, selseli ya manga salaꞌ mayu aw pagpaba͡utismu kamu dun ni ngalan ni Jisu-Kristu, aw lanasen na Tyumanem ya manga salaꞌ mayu, aw madawat mayu ya kanan Ispiritu.

Aw ya manga bagu mangintu-uway, gayed nyatibulluk migpakanyeg sa palna-u na manga apostolés, aw migsambuk silan migkatipun, aw migsambuk uman silan kyuman, aw migsambuk sa pagpanawagtawag adti Tyumanem.

Aw nyatmuꞌ ya kadég nilan na Ispiritu Santo, aw migpalekat silan miglong sa madég na punganan na tingeg na walaꞌ pa nilan lemena paglongan. Nyakapaglong silan sa manga tingeg yeiy magi sa katulus na Ispiritu na pig-atag kanilan na Tyumanem.

Aw tigkan awun dalagunut na lekat adti tas na langit kasiling na mabandes na samet aw nyatmuꞌ na dalagunut ya balay na pigkatipunan nilan. Awun uman migpakitaꞌ kanilan na manga laga na iman mu aw manga dilaꞌ na mig-atped-atped adti tagsambuksambuk kanilan. Aw nyatmuꞌ ya kadég nilan na Ispiritu Santo, aw migpalekat silan miglong sa madég na punganan na tingeg na walaꞌ pa nilan lemena paglongan. Nyakapaglong silan sa manga tingeg yeiy magi sa katulus na Ispiritu na pig-atag kanilan na Tyumanem.

Aw kada allaw migkatipun ya mangintu-uway adti pamanag na Témplo na Tyumanem, aw gayed silan migsambuk kyuman adti manga balay nilan aw to-o silan migleya, aw gayed nilan pigdeyen ya Tyumanem. Aw pigsayaꞌ silan na kadég na utaw. Aw kada allaw pigdugangan na Tyumanem ya manga utaw na pigpaluwaꞌ da nan.

‘Ini ya piglong na Tyumanem. Dun ni manga kamoliyan na allaw, un ku atag ya kanak Ispiritu adti kadég na manga utaw. Ya manga buwadbuwad mayu na eseg aw bubay, un nilan ubat-ubat ya pa-edeꞌ ku kanilan. Aw ya manga eseg na bagu pa ya ginawa, awun pakitaꞌ ku kanilan. Aw ya manga bakleg mayu, un ku silan patagaynepen.

Aw gayed migpangkatipun ya kadég na manga mangintu-uway, aw pigsambuk nilan ya manga pametang nilan. Aw migpalekat ya eped miggalin sa lupaꞌ aw manga ka-unan nilan pada awun kuwalta na un atag adti manga eped nilan na migkapelek.

Aw pangkay singalan ya magtawag adti Tyumanem, paluwa-en saba sakanan.’ ”

Ya sega magkangitngit, aw ya bulan iman mu aw duguꞌ. Maynan alag ya un mangka-imoꞌ sa diliꞌ pa dumateng ya allaw na pagdateng na Tyumanem, aw yeiy ya allaw na to-o madyaw aw walaꞌ ya maka-unawa.