Vèsè popilè nan Bib la ki soti nan Pigpan-imo' 17

Pataje

Ya kadég yeiy pig-imoꞌ na Tyumanem pada paninawun sakanan na manga utaw aw kita-en nilan, manang diliꞌ to-o mawat ya Tyumanem adti tagsambuksambuk kanaten.

Asini muna, pig-imoꞌ nan ya tagnaꞌ na utaw na yan ya tyugbulan na kadég na pigpa-eyaꞌ nan asini tas na lupaꞌ, aw migbuwadbuwad silan taman na nya-imoꞌ ya kadég na nasud. Aw pigpalpa dadan na Tyumanem ya manga eletanan na manga nasud, aw kun sangunu ya kadugay na pag-eyaꞌ na manga utaw dun.

Ya Tyumanem yeiy, yan ya mig-imoꞌ sa kadakulaꞌ na banwa aw sa kadég na asini tas na lupaꞌ. Aw asuntu na tagtun sakanan sa kadég na awun ni langit aw lupaꞌ, walaꞌ sakanan pag-eyaꞌ adti seled na manga témplo na pig-imoꞌ oloꞌ na manga utaw.

Kay un dumateng ya allaw na dadan da nan pigpamalliꞌ na un nan ukuman ya kadég na utaw magi sa sambuk na utaw na pigsuguꞌ da nan, aw matinaw ya kanan pagbayaꞌ. Aw pigmatinaw da na Tyumanem adti kadég na utaw kun singalan ya pigsuguꞌ nan, kay pigmataw nan lekat adti pagkamatay.”

“Yanagaw kun kitadun ya buwadbuwad na Tyumanem, diliꞌ da kitadun mag-anenganeng na mig-unawa ya pagka Tyumanem nan aw ya manga inutaw na pig-imoꞌ lekat adti bulawan, aw adti bulawan na maputiꞌ, aw adti batu, aw pangkay unu na pig-imoꞌ na utaw na lyumekat adti katadeng nilan.