Vèsè popilè nan Bib la ki soti nan Kubhoka 32

Pataje

Bhando pibhamona Mucha atenda kiyoto hake kubhujha kuhuma kukitombe, ngabhakongina nnonge jha Alune nu kulonge, “Ngohe! Mututengenechele ichapanga ipakutulongocha, nhwalo tukimanyii jhe chikinkolii Mucha jwatubhoite kukilambo chuku Michile.”

Bhambo Chapanga ngannobholila Mucha, “Huluka pahe nhwalo bhando bhino bhimaletite kuhuma ku Michile bhakibhoghine bhene nukungana, bhajhilekite ndela jwanalaghila, bhakitenganichile litohe lya ng'ombi lya chaabo kutapaya, na bheniya bhalijhinamii nu kulipiikiya matambiko bhilonge, ‘Hoko Ichilahele jhonjo ndi chapanga jwito jwatubhoite kukilambo chuku Michile!’

Peniya Alune nganchenge chehemo jha kupiikiya litambiko litohe lela na ngatangicha, “Kilabho napabhaha na lichiko lya kuhangana kwino nnonge jha Bhambo Chapanga.” Kilabho jhake ngajhimwika putepute ngabhapiya matambiko ghukukomelekeya na matambiko ghukujhopa uteeke. Bhando ngabhatama pahe kulye nu kunywegha, peniya ngabhajhema nu kukina nukujhingi muhone.

Kilabho jhake Mucha ngabhalobholila bhando, “Ntei uhakaho nkolongwa hake. Ngohe ninyendela Bhambo Chapanga kukitombe, nikannyopele panga jhe nanekekeya kukutenda uhakaho nkolongwa ghongo.”