Vèsè popilè nan Bib la ki soti nan Kubhoka 16

Pataje

Ngabhalongila, “Mbaha Bhambo Chapanga ngatukomele ku kilambo chuku Michile kutukibha tutama, ngatulya nyama na mabumunda nu kujhukuta. Nambo mangota mutuletite twe twabhoha kunjenga kone kutukoma kwa njala!” Peniya, Bhambo Chapanga ngannobholila Mucha, “Nyokanikiya, nenga naponekeya mabumunda ngita hula kuhumi kunane kumahunde. Kila lichiko bhando nabhabhoka na kulokota chakulye cha lichiko limo. Kwa ndela jhenie mbakwalola anda nabhakengema lilaghakilo lyango amu jhe.

Bhahe, Akaichilahele bhoha ngabhankokelekela Mucha na Alune kwenio kunjenga.

Mucha ngajhendelila kulonge, “Kimiye, Bhambo Chapanga nampela nyama na lukela nampela mabumunda nnyeghe nnyukute, nhwalo jwene ajhohine makokoleko ghimikokolekela. Twe meneke ade mitukokolekele? Nkoto kutukokoleke twenga mukokelekela Chapanga.”

“Nighajhohine makokoleko gha Akaichilahele. Bhahe, malobholela kimiye nabhalya nyama, na lukela nabhalya mabumunda ghibhapala. Peniya namanya kubhehe ne ndi Bhambo Chapanga gwino.”