Vèsè popilè nan Bib la ki soti nan I‐Genesise 49

Pataje

Intonga yobukumkani ayiyi kumka ku‐Juda, nomnikamteto pakati kwenyawo zake, ade afike u‐Shilo: kwa yena izizwe ziya kumlulamela.

U‐Josefe lisebe eliqa̔mileyo, lisebe eliqa̔mileyo ngasemtonjeni, elimagatya anabelayo pezu kwodonga. Abatoli bamcapukisile, batola, bamzonda

koko isipeta sake sahlala sisebunqobeni, nengalo zezandla zake zazomelele. Kuzo izandla ZOSOMANDLA ka‐Yakobi, kwa kona apo, kuye umalusi, ilitye lika‐Sirayeli, KUTIXO woyihlo wako, oya kukunceda, nakonamandla onke, oya kukutamsanqela, makuvele amatamsanqa asezulwini evela pezulu, namatamsanqa asenzulwini ilele ngapantsi, amatamsanqa amabele, nawesizalo.

Juda! wena abazalwana bako bokudumisa; isandla sako soba sentanyeni sentshaba zako; baya kuziqubuda pambi kwako onyana boyihlo. U‐Juda ulitole lengonyama; unyukile ekuqwengeni, nyana wam! Watoba, wati butu njengengonyama, nanjengengonyamakazi; ngubanina oya kumvusa?

Rubene! ungowamazibulo wam wena, amandla am, nokuqala kwokwomelela kwam; indluliselo yobungangamsha, nendluliselo yobukulu; upupuma nje njengamanzi, akuyi kudlulisela; ngokuba ubunyukela esililini soyihlo wako; wandula ukusinco̔lisa: wenyuka yena pezu kwomandlalo wam.