Vèsè popilè nan Bib la ki soti nan Hoera 2

Pataje

“Otiia ināianei nei anō,” e ai tā Ihowā, “tahuri koutou ki ahau, ō koutou ngākau katoa, i runga anō i te nohopuku, i te tangi, i te auē.”

“Nā, tēnei ake, ka ringihia e ahau tōku wairua ki ngā kikokiko katoa, ā, e poropiti ā koutou tama, ā koutou tamāhine, ka moemoeā ō koutou kaumātua, ā, ka kitea te kitenga e ā koutou taitamariki.

Haea hoki ō koutou ngākau, hāunga ō koutou kākahu. Ā, tahuri ki a Ihowā, ki tō koutou Atua, he aroha hoki tōna, he mahi tohu, he pūhoi ki te riri, he nui tōna atawhai, ā, e rīpenetā ana ia ki te kino.

Nā, ko te hunga katoa e karanga ana ki te ingoa o Ihowā, ka mawhiti. Nō te mea hei Maunga Hiona, hei Hiruhārama, ētahi e mawhiti ana, pērā me tā Ihowā i kī ai, ā, i roto anō i ngā mōrehu ētahi e karangatia ana e Ihowā.”

Ka rerekē te rā, ka pōuri, ka whakatoto te marama, i te mea kīanō i puta mai te rā nui, te rā wehi o Ihowā.