Vèsè popilè nan Bib la ki soti nan Makö 6

Pataje

Nyɩkpaa 'nɩɔkɔ nɩɔkɔ bhɛlä kpänyɩ ‑lɔɔ 'kʋ nä, ɔ ‑yä ɔɔ' 'kʋgënyʋa 'sɔɔ 'ni bhɔɔ sää 'titi 'casɩ ‑yä wa 'kä lʋʋ në koo. Ɩ ‑kä 'ŋnö nä, ɔ ‑sonʋwa, ɔ lä a ‑ya ‑sä ‑lää gwë ‑yä ‑a mʋ ‑gbäsɩɩ nyɩkpɔɔ' ‑wʋ lä ‑kʋ nä, ɩyä a 'kä 'pɛpɛlɩä 'kʋ wɔtɔ!

'Nɩ Zozii yiwa soo, ɔ lä dää 'fɩɩn 'plɔfɛtɩ yi lä mʋ nä, kä wa ŋʋɔ 'klʋkpää', ‑mä ɔ kä ɔ 'bhlɩɩ ‑yi nä, ɔ 'bhunyʋä ‑yä ɔɔ' 'lɔlʋnyʋä, ɩyä ɔɔ' gbünyʋä waa' 'mänyɩnöɔ ‑wʋ.

Ɔ kwlii‑ lä 'gää nä, ɔ lɔ wloo nä nyɩkpaa' 'kpö 'kädä. 'Nɩ ŋäzö yio 'kʋ ‑jɛɛ waa' ‑za. Wa ‑kʋ bhä nynä 'bhabhlöö' lɩɩ ‑ɩɩ ‑wʋ lä kpanyɔ ‑kä nä. 'Nɩ ɔ yiwa cɩalɩ 'kʋ cie. Ɔ cɩanʋwa‑ ‑lɔɔ wälɩ ‑bhutukpä.

‑Nɩnɩ 'fɩɩn ‑kä bhɛ 'ŋnö nä, Zozii' ‑wʋ 'kwläkwlä mii‑ 'nɩ ɔ 'kä ‑mɔɔ 'yiziziogbɩ 'kädɩ ‑nʋʋ. Gupanyʋä zio, wamä ɔ ‑gbɛɛ ‑klɔgbö 'kʋ 'nɩ wa yi yamä. Kɔ 'bhunyʋää' 'nyukwli 'tɛnɔɔ ‑slɔɔ nükpëë'. Zozii bhlü bhä dikakpüü 'nɩ ɔ cɩa bhä ‑mɔɔ' nyɩkpaa.

'Nɩ ɔ yi 'flɔɔbhüü ‑ngbü ‑yä zliiyii 'sɔ 'kʋ 'bhlü. Ɔ ‑wloo ‑laagɔɔ', 'nɩ ɔ yi bhibhie. 'Nɩ ɔ yiu 'mʋ ‑döödö 'nɩ ɔ yi ɔɔ' 'kʋgënyʋa 'nyɛ nynä wa dënʋ ‑jlëa. Wa bhlüü‑ 'sɩɩ zliiyii 'sɔ 'kʋ 'nɩ wa yii nyɩkpa‑gbʋʋ dëë. ‑Mä waa' ‑lefɩɩn ‑lü 'nɩ wa ‑loo, 'nɩ 'flɔɔ ‑ji 'kʋ 'nɩ wa ‑fämʋ. ‑Ʋ ‑ji bhlä 'kʋ nä ʋ ‑yä zlüü 'sɔ ‑nʋ ‑takwü 'kʋgbä 'sɔ.