Vèsè popilè nan Bib la ki soti nan Makö 4

Pataje

Ɔ ‑glɔɔ lä nä, 'nɩ ɔ yi ‑vʋvɔlʋʋ 'kʋ ‑gaa, 'nɩ ɔ yi 'nyiee soo, ɔ lä 'nyiee‑, ‑n kʋ ‑plɩɩ ‑yä, ‑n 'plö yɩ ‑siin! Ɔ cii‑ lä sɔɔ nä, kä ‑vʋvɔlʋʋ doo‑, 'nɩ dää 'fɩɩn plöö‑ ‑siin! 'Nɩ ɔ yi ɔɔ' 'kʋgënyʋa soo, ɔ lä ‑ɔnözä 'nɩ a ŋää bhä sɔɔyɩ? ‑Aaa, ‑mä ‑wʋ pɔlötɛtɛ ‑kä ‑a?

‑Mä ‑ŋänö ‑plʋwa 'sää kpänyɩ 'titi, wlä ‑maa nyɩkpɔɔ' 'cësa bhä 'nɩ ‑vʋvɔlʋ ‑yä 'nyie 'sɔ ŋʋɔ bhä 'klʋkpä?

‑Mä Zozii puu‑ 'gokpëa' gbädää' sä, 'nɩ ɔ 'tënö‑ 'pinë 'wlu 'nɩ ɔ ŋɔɔ bhä. 'Nɩ ɔɔ' 'kʋgënyʋa yi yi 'nɩ wa yio gälɩä, wlä ‑mä Cɩanyɔ‑, kä ‑a ku lä 'nɩ ‑n ŋɔɔ, 'nɩ plɛɛ' gbänö‑ö ‑wʋ 'mnö ‑a?

Zozii ‑sonʋwa, ɔ lä wälɩ 'fɩɩn a poo lä 'nyukwli nä, a fɩɩ plɛ 'kʋ! ‑Lʋʋ a nyäka lä 'mʋ nä, ʋmʋ Laagɔ 'kä lä 'kʋ 'bhlü ‑yä ʋ 'kä sʋ nyɩ'anyɩ lä nyäka. ‑Mä anyɩ, ʋ yi anyɩa' daa 'kʋ 'ŋʋʋ.

Zozii ‑sonʋwa bʋkʋ, ɔ lä kä Laagɔɔ' 'Leyiduu' panalɩɩ ‑kʋ lä nynä ‑mä ‑n ‑näsä nyɩkpɔ ‑goo lä ɔɔ' 'klää ‑lɛɛyʋʋ nä. 'Nɩ sä 'ylʋ bhlü 'nɩ zelü ze lä nä, 'nɩ ɔ ŋɔɔ, 'nɩ ɔ glɔɔ lä nä, sɔɔ ‑lɛɛyʋʋ pä 'kwälö 'nɩ ʋ wlʋ. ‑Mä sɩ nʋmɔ nʋmɔ lä 'nɩ ‑lɛɛyʋʋ wlʋ lä nä, ɔɔ' ‑wʋ sɔɔ ‑yi.

‑Ɔ gä 'nyukwli ‑kä nynä ‑mä ɔ 'kä 'nu nä, ɔ 'nu!