Vèsè popilè nan Bib la ki soti nan ይዃንስት ወንጌል 6

Pataje

እየሱስም፦ «ርዅየዙ ሚድ ያን የጝ፤ ይጐ ተረውድቅ ስሪስቅ ግድርዳውም፤ ይት ኣምነውድም ስሪስቅ ዝቛንዳውም።

እደረት መንፈስ ርዅየ ይወኵ፤ እቀ ኻይል ግን ውርም ጣቅማው፤ ያን ክታጭስ ድቈው ቃልድየን መንፈስ የጝ፤ ርዅየም የጝ።

ጨቅሸው ሚዝቍዝ ሰራሽትርነ፤ ኽሽስ እጅር ዅር ነየው ዘላልምዙ ርዅየ ኣቐው ዅረዝቍዝ ሰራጭጥን፤ ምላሰንድም እደረ ጝግል ደደደድሰው ማኽተምዝ ኻትትምኩ» ዩ።

ይርት ፍቃድድ፣ ዅርት ቓል ጝት ኣምነውድቅ ዘላልምዙ ርዅየ ችጛንስ የጝ፤ ያንም ኻትሸነይዙ ግርየይዝ ክርጘይስ ጒስጭር።»

እየሱስም፦ «እደረት ሰቭድመ ጘጝ እፃቐዊዝ ኣምነነው የጝ» ዩ።

ኣይር ይጭስ ነየውድቅ ይጐ ተረኵ፤ ይጐ ተረውድየንትም ስሪስቅ ቢዘ በርሰቅም።

ስሙን ቢጥሮስም፦ «ኣደረወ! ኣውትጐ ፊርና? ክት ርዅየዙ ቃል ፃይርኵሩ።

ሲመይስ ጊመው ርዅየ ይወው ሚድ ያን የጝ፤ ኣውማው እጅር እኒን ሚስ ዃን ዘላልም ፅብጡ፤ እኒን ሚድም ኣልሚዝቅ ርዅየ ኣቓንስ ማጥን ያን ይወው ይስየድ የጝ» ዩ።

ይት እፃቐው ኣይር ዊትረውድ ኣየውዝየ ይጐ ተርጠ ቸለው ኣውማውም እጀው፤ ይጐ ተረውድየንትም ኻትሸነ ግርየይዝ ክርጘይስ ጒስጭር።

እደረት ሚድ ሲመይስ ጊመው፣ ኣልሚዝም ርዅየ የወው የጝ» ዩ።

ርዅየዙ ሚድ ያን የጝ።

እየሱስም ኣኰ ምጭድ ጒ እደረት ሚዝየንዝ በር ጐየቊዝ ጝታበንዘዊዝጘ ኣድሉ፤ ኻዝዝድዛትም ጘጝት ፃቭ ኣድሉ። እጝቅቅ ዅጝ እፍትጘት ግረ ጝክንደጥድዛት፦ «ቲርፈው ሚስ ላውቅ ሊቫየጘ እጝቅትቅ ጥቅልጥን» ዩ።

ኣኰ ዊንም ዋልጠ ኪለው ሚትር ባኽርድ ቂዝፍጛ ፊርጘት ግረ እየሱስ ባኽርድየንት ደዳ ታኰይዝጐ ኣልታንድ ቓልጝ ጐውት። ጘጝ ግን፦ «ያን የጝ ጐውትርነ!» ዩ።