Vèsè popilè nan Bib la ki soti nan Ruma 8

Pataje

Ay nasaful tua tam te, Dius gfakamulun tua gugat nusnge wain at masine sas fagayu takesug anya, at masuad, sat nauro fag ngay taw gfaning at algan.

Aroro natuyan kwa te, dewa fakabulun, ay leleg, ay ngay tagbarita, ay at mauri fag ngay falad, ay katsi fia fag buknga, ay takadasug yay ban, ay at ngay mabalyanan, ay fagayu awatan tagsis tungud, ay tagsis daga daga, ay nusnge wain fag awatan wa mafasaruayan antam siginans Dius at fakesugun at nafalag sa antam siginans Isus tam Fun.

At Masine fag Falad ggubuk antam sa tam fagmamomuyun. Ya tam saful nusnge wain tam fagdaranginun, dewa katanya, at Masine fag Falad tagfaman antam gdarangin sas Dius, ay ginas tam fagyudun makatu garingang.

Nataw ya tam longan sa takatanya fagayu? Dius nu siwa antam, sinu at mafabadbaboan antam?

Nu katanya, at kinsadi sa tam Fun Isus, kanya ban di gafaurianan.

Tagamatangan gugat sabaliwa at bilug at fakaylatun, at fakadasugan ban sa ways fakabulun. Ay tagamatangan tua gugat sabaliwa at Masine fag Falad, kanya ban e leleg tua ay e fagmanabayanun.

Dewa katanya, gbabo way tam takatanya fagayu aroro tam Fun Isus takesug antam.

Nu gamatangan au, tam ngay fagidapun katsi wa mafaladlabian sa takasure ban sa antam fag fagmasineun.

Sinu at mafasaruayan antam siginan tam Fun Isus at fakesugun? O famaskud, ay fagidapun, ay faurianan, ay fanlunus, ay fagyudun e lanbung, ay fagmalimuun, ay fakabulun?

Dius, tagsaful taw at amatanganan, nasaful yangay at Masine fag Falad at amatanganan, aroro at Masine fag Falad tagwabilug Dius ay at ngay taw, gfaning Dius at fakaylatun.

At Masine fag Falad at nataban fag ngay taw, kanya wan Dius at ngay sisian.

Nusnga sinu tagfaning at bilug at fakaylatun, kanya at amatanganan sa way gugat at bilug at fakaylatun. Ay nusnga sinu tagfaning at Masine fag Falad, kanya gamatangan tua gugat sat Masine fag Falad at fakaylatun.

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?

At Masine fag Falad gfadiuganan tagsi antam fag falad te, itam wan Dius at ngay sisian. Ay aroro Dius tua tam at ngay sisian, nangagbilug yangay ban tam Dius at nafalganan sat ngay taw gasfuan tam Fun Isus. At masine nu gagwantan yangay tam kata anya ebi, laman nangagbilug ban tam at fagmasineun.

Tagamatangan gugat sabaliwa at bilug at fakaylatun, gfawayan Dius. Wa kaylat gfaning at Faugali, ay wa makatu gfaning.

Fagayu at awatan maksvn nu gfanya Dius nu gfasure at ngay sisian.

Ay saful tam te, Dius at awatan gfandeng gidapan dasug katsi, kata sik mangena nu gfasalug.