Vèsè popilè nan Bib la ki soti nan Ruma 6

Pataje

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

Aroro asalanan wa magbilug ya ayu, aroro wam si yas Muisis at Faugali, nu bunway si tuams Dius at fagmagalangun.

Ansurung tam kata nu e nanamoli antam gasfuan anya gina anbul, laman nu setain Dius at fagmabalyananun nu nafaleleg tam Fun Isus siginans fagmabulanan, katanya yangay manamanwan tam sat bagu fag ugali.

Lag am gfon ay bilug at ngay afud sas asalanan laman gfakamulun am at mauri, nu bunway foni ay sadili sas Dius aroro kanya nafadog tua nafaleleg ayu siginans fagmabulanan. Ay foni ay bilug at ngay afud sas Dius, ay ugalii kata sik ngay taw at nadog naleleg siginans fagmabulanan.

Saful watam te, tam dan fag ugali anrabing wan sas fasulungan kayu gasfuan tam Fun Isus, laman tam dan fag ugali kamin wan, ay laman wa tam gafagsuguanan ya sas asalanan.

Katanya yangay, tapi ay sadili te, anbul wam sas asalanan at fagmabalyananun, ay gleleg tuam laman gfauseganan Dius siginan ay fagmasadiun sa tam Fun Isus.

Nu katanya, nataw tam longan? O namataglayun tam gasalanan laman Dius at fagmagalangun umkayu? Ida, deyud. Anbul watam sas asalanan. Nu katanya, lag tam gfataglayun ya nu gasalanan tam.

Nasaful tuam te, nusnga sinu tam fagfaningan, kanya gfagsuguan antam. Tam fagfaningun nu asalanan way, kanya gfadasug way antam sas fakabulun, ay tam fagfaningun nu Dius tua, kanya gagbilug antam, nu katanya tam fakadasugan ban sa tuas fagmatuyanun.

Guseganan au sas Dius te, ebi dewa am gafagsuguanan asalanan, katsi gfaning tuam ku nafoyung sa ayu fag foyungan, sas fagdaul ay amatanganan. Nalfas tuam siginans asalanan, ay katsi fagmatuyanun tua tagfagsuguan ayu.