Vèsè popilè nan Bib la ki soti nan Ruma 3

Pataje

Aroro fagayu taw e asalanan, ay we fagmasineun kata Dius. Ay dewa katanya, aroro sas Dius at fagmagalangun, kanya natap antam kata nu yud e asalanan, siginan tam Fun Isus nu gfalfas antam fagayu siginans asalanan.

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

Kanya wan Dius at nafalganan at fanggalangun, laman siginan at nabusbusan at taguk gfalyam tam ngay asalanan, nu gafanud tua tam sa anya. Dius nafakamulun takatanya laman gfalag at fagmatuyanun sa sangay taw, aroro ebi taguna kanya nafabayan wan fagayu taw nu gasalanan, ay wa nafaurianan kafag ngay taw. Kanya nafakamulun takatanya laman gfasaful at fagmasineun sa katsi fag ngay taw, ay gfasaful yangay te, kanya matuyan nu gtap nusnga sinu tagafanud sas Isus kata nu yud e asalanan.

Aroro Dius wa gtap nusnga sinu fag taw kata nu yud e asalanan, siginan nu gfaning Muisis at Faugali, aroro kafag Faugali gfasaful te, fagayu taw e asalanan.

Kata at Rirukan te, “We taw masine nusdi sadi. We taw saful at matuyan, ay we gugatan grvbvy Dius. Fagayu taw nasaruy dalan. Fagayu taw we yud e fagmauriun. Nusdi sadik taw we gfakamulun at masine, duan, nusdi sadi.”

Aroro saful watam te, sik taw antap kata nu yud e asalanan siginan at fagafanudun, ay bunwa siginan at fagfaningun Muisis at Faugali.

Ida, duan. Dius kabavn matuyan tua, fagayu taw dewa kamuag. Kata at Rirukan te, “Matuyan tua nusnga setaw am longan, ay mababo tuo nusnga sinu tagfauri emu.”