Vèsè popilè nan Bib la ki soti nan Ruma 10

Pataje

Aroro nu nafoyung tuo te, Isus tam Fun, ay nu gafanud tuo sas fagdaul am amatanganan te, Dius nafadog yay nafaleleg anya, umlangfe o.

Aroro sik taw tagafanud tua, kanya katap kata sik taw yud e asalanan, ay nu gfoyung tua at fagafanudun, kanya umlangfe tua.

Nu katanya, tam fagafanudun kasure siginan tam nadungug, ay nadungug tam takatanya aroro siginan nu e gfoyung sa antam sabaliwas Dius at nafili fag Fun.

Dius at Longan nafoyung te, “Nusnga sinu tagafanud sa anya di ban umfangulan.” Taw Udyu ay taw Gresya we fagsamanun. Sadi way fagayu taw at Fun. Ay kanya gfon fagmaramramanun sas fagayu taguro sa anya. Aroro at Rirukan nafoyung wa te, “Nusnga sinu taguro sa tam Fun at ngayan umlangfe tua ban.”

Ay tain ro nu mananfamoyung nusnga sinu fag taw nu dway e gsugu anya? Kata at Rirukan te, “At kasine sik taw at darafa nu nalo laman namoyung at Masine fag Barita.”

Dewa katanya, setain ro ngay taw at yud gafanud sa tam Fun nu guro sa anya? Ay tain ro nu gafanud nu dyay batang gdungug sabaliwa anya? Ay tain ro nu gdungug nu dway e nanfamoyung?

Tam Fun Isus wan at fakatabuan Muisis at Faugali laman fagayu tagafanud sa anya katap tua kata nu yud e asalanan.