Vèsè popilè nan Bib la ki soti nan Ruma 1

Pataje

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”

Aroro siginan ngay nu kawat fagdaul daga, Dius at ngay kaugalian at yud kalag, at masuad te, at yud katabu fag fagmabalyananun ay at fagmadiusun, ansure wan ay ansaful siginan at ngay awatan. Nu katanya, kafag ngay taw we famanlongan ya.

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

Kanya fagayu natubus at matuyan fag foyungan sabaliwas Dius sas fakamuagun. Ay kanya fagayu at fagsegan ay at fagfaningun ngay awatan way, abat ngate, Takawat, at matuyan tam fagfausegananun kabavn ban. Anud.

Dius nafasure at dotama siginans banwa laman gfaurianan fagayu takauri anya ay tagfakamulun at mauri ay tagfayud e masuad fagmatuyanun, siginan at fagmauriun.

Aroro katanya, Dius nafabayan wan kafag ngay taw nu gugali sat yud matuyan fag fakaylatun. Ngay mangena naubun wan at ugali nu gfasedsegan mangama, at fagfasedseganun at usena way. Ay katanya yangay ngay mangama at ugali wa gfasedsegan ya ngay mangena, at fagfasedseganun at usama way. At ugali takatanya maksvn nu mauri. Mangama nafakamulun at maksvn fag fagmaplaun sat usama. Nu katanya, kanya nabul wan faurianan kata at nafakamulun fag ugali. Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Kafag ngay taw glong te, “E fagsafulun ami.” Dewa katanya, kanya fagayu wa mamatanganan. Kanya fagayu wa gseg at yud kabul fag Dius, abat ngate, gseg way tibak fagsegan takata sik taw at kawalungan, ay manuk tungud, ay fagbaugun tagufat at darafa, ay ngay tagalafangan.