Vèsè popilè nan Bib la ki soti nan Uan 16

Pataje

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Ay nu ndasug ban kanya fag Falad tagfasure at matuyan sabaliwa Dius, kanya ban ggubuk ayu laman sumaful am sabaliwas fagmatuyanun. Aroro kanya ban at foyungan bundi siginan at sadili longan, nu bunway siginan tua at nadungug, ay gfoyung yangay ban sa ayu nusnge wain takafasludan ban.

Dasug katsi yam e naet sa anya sa ku ngayan. Katsi eti ay mul wam fia, laman maksvn nu guseganan am.

Dewa katanya, gfoyung au ayu at matuyan te, ku fagloun sa tua ban ay fagmanabayanun, aroro kway ban nalao, Tagfasun ban ayu wa kadasug. Ay nu nalao kwa ban, gsugu au anya sa ayu. Kafag Tagfasun ban nu ndasug, namatuyan sas fagayu taw sas fagdaul daga sa baliwa at ngay asalanan, ay sabaliwas Dius at fagmatuyanun ay sa yangay ban nu gtuyan te, sinu ban takalangfe ay sinu tagafaurianan.

Katanya yangay ban am, katsi kabalu am, ay nu nadog ban tam naladlagan, maksvn tua ban nu guseganan am, ay wa ban e maago siginan ayu ay fagusegananun. “Ginanya ban fag menit wam nanget ya sa angku. Matuyan nu glong au sa ayu te, nusnge wain ban ay fagetun sa ku Mama sa ku ngayan, kanya gfon waban fia ayu.

Matuyan nu glong au sa ayu te, gwayway ban am, ay kabalu ban am, ay ste ban swa daga fag ngay taw guseganan. Ay maksvn ban nu kabalu am. Dewa katanya, ay fakabaluun ban umsik fagusegananun.