Vèsè popilè nan Bib la ki soti nan luqa 3

Pataje

tiġurdin n‑ma‑issddm yuḥanna kullu mddn‑an, issddm yasuɛ ula ntta. ibidd yasuɛ ar‑itẓalla, s‑rẓmn ignwan igguz‑d fllas rruḥ lqudus ġ‑ssift n‑yan‑utbir, isawl‑d yan‑wawal zġ‑ignwan yini: «kiyi tgit iwi iɛzzan. frḥġ srk bahra.»

isawl yuḥanna yini‑asn: «ha‑yyi ar‑kʷn‑ssddamġ ġ‑waman walaynni ra‑d‑yašk yan yugʷr‑iyi, ur‑sthllaġ ad‑rẓmġ ifalan n‑turẓiyin‑ns. ra‑kʷn‑issddm nttan s‑rruḥ lqudus d‑lɛafit

skarat afulki baš a‑iban is‑tflm ma‑yʷh̬šnn. a‑ur‑ttinim i‑ngratun ‹nkkʷni nga tarwa n‑ibrahim,› ašku rad‑awn‑iniġ, rbbi iẓḍar a‑d‑issnkr tarwa i‑ibrahim ula zġ‑iẓran‑ad.

hay‑aglzim ittrs f‑uggja n‑usġar. kud tasġart nna‑ur‑yakkan lġllt imimn, ra‑stt‑ibbi iluḥ‑tt‑in ġ‑lɛafit.»

ġmkan a‑s‑yuwfa ma‑ityaran ġ‑warra n‑nnabi išaɛya inna: «ha‑yan‑wawal ar‑itbrraḥ ġ‑lh̬la ar‑ittini ‹jjujadat aġaras n‑siditnnġ, tssnmm tiġarasin‑ns. ra‑tngadda kraygatt talat, astwan idrarn ula iwrar. ra‑inm‑uġaras nna‑ilullin, trh̬u‑tġarast nna‑išqan. rad‑ẓrn kullu mddn anjjam lli‑ra‑d‑yazn rbbi.›»