Vèsè popilè nan Bib la ki soti nan Rom 8

Pataje

Na kitabi itu, katoonan tabi du, bong kitabi maaseꞌ ni Tuhan, san gi oy katuwaꞌ ningkitabi, pinakoy jaꞌ du sina meꞌ Tuhan pa kaayaran ningkitabi. Batan lay na kitabi lliyun meꞌ na binuwat limbang na majatu garaꞌ na.

Sangkon tatantu ku, kaallum-kapatoy tabi, mastiꞌ yaꞌ du luu kalakkahan aseꞌ Tuhan ningkitabi. San gi malaikat atawa seytan, maka san gi oy katuwaꞌ ningkitabi labba man batnaa sampay ni sinōng, basta yaꞌ sina luu kalakkahan aseꞌ na ningkitabi. San gi soy ngantanan kawasa, labba man taꞌ gumi sampay taꞌ langit, basta tud yaꞌ sina luu bay pinapayak kalakkahan aseꞌ Tuhan ningkitabi. Boꞌ lay na du bana tumatandaꞌ sabapan ilooy ma bay pabuwat Papuꞌ tabi si Isa Almasi ningkitabi.

Na tamūd ina luu pabuwatan yaꞌ takaya tabi. Kahapan, luu na pin sina Rū Sutsiꞌ nabangan kitabi. Nnaꞌ ta na pa maku duwaa pa Tuhan. Tamūd yaꞌ san katoonan tabi bong oy pataꞌ subay paku tabi mman Tuhan. Lipara, luu du Rū Sutsiꞌ makuhan kitabi duwaa pasal pakaradjaan njawom atay tabi ma yaꞌ luu bitsala tatammu bong pooy meꞌ halling.

Na pagka meꞌ looy na ehe aseꞌ Tuhan ni sukuꞌ na, tumatandaꞌ na luu na pin ya nanggehan kitabi. Dari pagka iya soheꞌ tabi, yaꞌ na sina luu kalappiꞌ ningkitabi.

Sangkon, pagka tibuuk na kitabi ka si Isa Almasi, yaꞌ na luu hukuman mulkaꞌ njataꞌ tabi.

Na bong ina kita maabak meꞌ ta nganduwan napsu ta, ilooy du takoleꞌ ta katiksaan nyawa. Sugaꞌ bong ina kita makutuꞌ meꞌ ta nganduwan kahandak Rū Sutsiꞌ, ilooy ya takoleꞌ ta kasampulnaan nyawa ka kasannangan njawom atay ta.

Sugaꞌ san gi oy katuwaꞌ ningkitabi, mastiꞌ tumanjataꞌ jaꞌ kitabi, batan luu na pin tabang ilooy ma maasean kitabi, yana si Isa Almasi.

Sugaꞌ kumpas ku, siga kamalasahiyan ma lingkaan tabi ni batnaa, sibuꞌ du ka yaꞌ luu bong binista ka kaayaran ka kabantugan takoleꞌ tabi bbos-bbos.

Sangkon, basta yaꞌ sina luu kalakkahan aseꞌ si Isa Almasi njataꞌ tabi. Minsan kitabi njawom katiksaan atawa kasusahan, basta yaꞌ du sina kuhi lakka aseꞌ na. Minsan tabi nilaugan, lingantu, kulang pamakoy, njawom bahaya atawa binonoꞌ, basta yaꞌ du sina kuhi lakka aseꞌ Almasi ningkitabi.

Boꞌ Tuhan ina, ndang katoonan na du mimon njawom atay manusiyaꞌ maka tahati na du pamiki Rū Sutsiꞌ. Boꞌ na, mimon ina ma pinaku meꞌ Rū Sutsiꞌ kalnaꞌ sukuꞌ si Isa sikatuwaꞌ jaꞌ ka kahandak Tuhan.

Batan sagannap ma pinagmundaan meꞌ Rū Tuhan, sila na sina anak Tuhan.

Na soysoy ina pinagbayaan meꞌ napsu na, numbul satu njawom pamiki na meꞌ na nulut dī na. Sugaꞌ sagannap ma pinagbayaan meꞌ Rū Sutsiꞌ, numbul satu njawom pamiki da meꞌ da nganduwan kahandak Rū Sutsiꞌ.

Maka pagka Tuhan bay mangatas nongan umu Anak na kalnaꞌ kitabi sikamimon, mastiꞌ dean na du sina mintu ningkitabi mimon supaat ma bay njanjiꞌ meꞌ na.

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.” Maka pagka anak Tuhan na kitabi, mastiꞌ mimon supaat ma dean Tuhan ni Almasi, dean na du sina ningkitabi. Maka hampit na du sina mintu tabi ni kabantugan Almasi basta kitabi mangatas jaꞌ natasan jinisan kabinsanaan meꞌ niiya.

Boꞌ sagannap ma maabak meꞌ da nganduwan napsu da ina, manta Tuhan sabap yaꞌ sila kuhi ngasip ni siga panohoan na. Boꞌ ni sabana na, jama meꞌ sila ina, yaꞌ takaya da ngasip Tuhan.

Llaw looy ilay mintu pag palahil Tuhan na kaayaran ka kabantugan ma bay hinalliꞌ ni siga anak na, tud mahap na saꞌ alang-alang. Minsan mimon-mimon ma bay pinapayak ni junyaꞌ, balnyawa maka saꞌ balnyawa, dari ko ngawon, pinagdautan du meꞌ da llaw looy mintu.

Kitabi itu, ndang katoonan tabi na labba man awwal jaman lagi ngabut sampay batnaa kajinisan kamalasahiyan njawom junyaꞌ. Sangkon mimon-mimon ma bay pinapayak njawom junyaꞌ magdautan masa Tuhan mabahauwan labbasakayi. Dari ko ngawon, sibuꞌ du karuha mimon-mimon ka danda ngandahing magkamaddi-maddi.