Vèsè popilè nan Bib la ki soti nan Rom 15

Pataje

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

Na mimon ina ma bay sinuwatan njawom kitab man noan kitabi kabanahan. Man sabapan tōꞌ njawom kitab, pataggu na pin iman tabi. Maka ilooy na muwansangan kitabi natas njawom katiksaan. Maka sabapan kitab, yaꞌ maglumba holat tabi ni tabang Tuhan.

Tuhan ina yana poonan gaos tabi maka tukang mataggu iman tabi supaya kitabi natas njawom kasusahan. Kamura-murahan tinabangan du kam meꞌ na supaya kam dambuwaꞌ pamiki njawom kasalassayan sasang bi ngikut siga tōꞌ si Isa Almasi. Meꞌ looy ilay, yaꞌ na kam magsulemaꞌ pamiki. Gam pin dambuwaꞌ na kam atay moo sanglit ka kabantugan pa Tuhan, yana Mmaꞌ Papuꞌ tabi si Isa Almasi.

Sangkon sihasi-hasi kam. Yana meꞌ Almasi bay ngahasi kaam, subay du kam ngahasi mbuwaꞌ danganakan bi sukuꞌ si Isa, pamaehe bantug pa Tuhan.

Arapun subay tabi ngagak dī tabi mari yaꞌ lingog kōk siga pagkahi tabi sabapan tabi. Meꞌ naa ina, katabang kitabi ninsila supaya pabasag pangando da.