Vèsè popilè nan Bib la ki soti nan ಲೂಕೆ 3

Pataje

ಜನೊಕುಲು ಮಾತೆರ್ ದೀಕ್ಷಾಸ್ನಾನ ದೆತ್ತೊಂದುಪ್ಪುನಗ ಯೇಸುಲಾ ನೀರ್‌ದ ದೀಕ್ಷಾಸ್ನಾನ ದೆತ್ತೊಂದು ಪ್ರಾರ್ಥನೆ ಮಲ್ತೊಂದುಪ್ಪುನಗ ಪರಲೋಕ ಜತ್ತ್ಂಡ್. ಪರಿಶುದ್ಧಾತ್ಮ ಪಾರಿವಾಳದ ಶರೀರಾಕಾರೊಡು ಆಯನ ಮಿತ್ತ್ ಜತ್ತ್ಂಡ್. ಅಪಗ ಪರಲೋಕೊಡ್ದು ಒಂಜಿ ಸ್ವರ ಆಂಡ್, “ಈಯೇ ಎನ ಪ್ರೀತಿದ ಮಗೆ, ನಿನಡ್ ಎಂಕ್ ಮೆಚ್ಚಿಗೆ ಉಂಡು.”

ಯೋಹಾನೆ ಅಕ್ಲೆಗ್, “ಯಾನ್ ನಿಕ್ಲೆಗ್ ನೀರ್‌ಡ್ ದೀಕ್ಷಾಸ್ನಾನ ಮಲ್ಪಾಯೆ; ಆಂಡ ಎನಡ್ದ್ ಬಲ ಇತ್ತಿನಾಯೆ ಎನ ಬೆರಿಯೆ ಬರ್ಪೆ. ಆಯ ಜೋಡುದ ಪಟ್ಟಿನ್ ಗಿರ್ಪೆರೆಗ್ಲಾ ಯಾನ್ ತಕ್ಕದಾಯೆ ಅತ್ತ್. ಆಯೆ ನಿಕ್ಲೆಗ್ ಪರಿಶುದ್ಧಾತ್ಮೊಡು ಬೊಕ್ಕ ತೂಟು ದೀಕ್ಷಾಸ್ನಾನ ಕೊರುವೆ.

ಅಂಚಾಂಡ ನಿಕಲ್ನ ಮನಸ್ ದೇವೆರೆ ಕಡೆಕ್ಕ್ ತಿರ್ಗ್‌ದ್ಂಡ್ ಪನ್ಪಿನೆಕ್ಕ್ ತಕ್ಕ ಫಲೊಡ್ದು ತೋಜಪಾಲೆ. ಅಬ್ರಹಾಮು ಎಂಕ್ಲೆನ ಪೂರ್ವಜೆ ಪಂಡ್ದ್‌ ನಿಕ್ಲೆ ಉಲಯಿಡ್ ಪನ್ಪಿನಾಕುಲು ಆವಡೆ. ದೇವೆರ್ ಅಬ್ರಹಾಮುಗು ಈ ಕಲ್ಲ್‌ಲೆಡ್ದ್‌ಲಾ ಜೋಕುಲೆನ್ ಪುಟ್ಟಾವೆರೆ ಸಾದ್ಯ ಉಂಡು ಅಂದ್‌ದ್ ನಿಕ್ಲೆಗ್ ಪನ್ಪೆ.

ಇತ್ತೆನೇ ಮರತ ಬೇರ್‌ಗ್ ಕುಡರಿ ಪಾಡ್ದ್ಂಡ್; ಎಡ್ಡೆ ಫಲೊನು ಕೊರಂದಿ ಪ್ರತಿಯೊಂಜಿ ಮರೊನು ಕಡ್ತ್‌ದ್ ತೂಕು ಪಾಡ್ವೆರ್.”

ಉಂದು ಯೆಶಾಯ ಪ್ರವಾದಿನ ಗ್ರಂಥೊಡು ಬರೆತಿಲೆಕ್ಕ ನಡತ್ಂಡ್, ಆ ಪಾತೆರ ದಾನೆಂದ್ಂಡ: “ಕರ್ತವ ಮಾರ್ಗೊನು ತಯಾರ್ ಮಲ್ಪುಲೆ, ಆಯ ಸಾದಿನ್ ಸರ್ತ ಮಲ್ಪುಲೆ, ಮಾತ ಪಲ್ಲ ಕೆದುಕುಲು ಮುಚ್ಚಿದ್ ಪೋವು, ಮಾತ ಪರ್ವತೊಲುಲಾ ಗುಡ್ಡೆಲುಲಾ ತಗ್ಗ್‌ದ್ ಪೋವು, ಮೋಂಟು ಸಾದಿಲು ಸೀದ ಆವು, ಎತ್ತ್ ತಗ್ಗ್‌ದ ಸಾದಿಲು ಸಮ ಆವು, ಮಾತ ನರಜಾತಿಲು ದೇವೆರೆಡ್ದ್ ಆಪಿ ರಕ್ಷಣೆನ್ ತೂವೆರ್ ಅಂದ್‌ದ್ ಕಾಡ್‌ಡ್ ಬೊಬ್ಬೆ ಪಾಡುನಾಯ ಸ್ವರ ಉಂಡು ಪನ್ಪಿನವೇ.”