Vèsè popilè nan Bib la ki soti nan Kur 16

Pataje

Baabagira bati: Nangwa Nyakubaho kuri yaatwitsize omukono gwe tukiri omu nsi ya Misiri, obu twabaire tushutama aha rubaju rw'enyungu z'enyama, tukarya emigaati tukahaaga! Mbwenu reeba imwe mutwihireyo mwatureeta omuri eri ihamba kwitsizamu eihanga ryona enjara. Nyakubaho nikwo kugambira Musa ati: Reeba niinyija kubagwisiza ebyokurya nk'enjura, birugye omu iguru. Buri izooba abantu bashohore batorotoore egabo yaabo eya buri izooba, mbone kuhamya yaaba nibaija kworobera eiteeka ryangye, nari batarikuryorobera.

Omutwe gwona ogw'Abaisiraeli gwayetomboitera Musa na Arooni omu ihamba.

Musa ayongyera abagira ati: Omu mwabazyo Nyakubaho ku araabahe enyama y'okurya n'omu kasheeshe yaabaha emigaati mwahaaga, biri ahuriire oku murikumwetomboitera. Mbwenu shi itwe niitwe baahi? Tiitwe murikwetomboitera, kureka nimwetomboitera Nyakubaho.

Mpuriire ebi Abaisiraeli barikwetomboita. Mbwenu obagambire oti: Omu mwabazyo nimwija kurya enyama, kandi omu kasheeshe mutungye emigaati erikubahaazya; haza mumanye ku ndi Nyakubaho Ruhanga waanyu.