Vèsè popilè nan Bib la ki soti nan Kur 12

Pataje

Manya ekyo kiro niinyija kuraba omu nsi ya Misiri, nyite emijigaijo yaamwo yoona ey'abantu n'ey'amatungo, kandi nfubire emandwa za Misiri zoona, Nyowe Nyakubaho. Egyo shagama niyo eraabe akamanyiso k'okworeka amaju gu murimu. Kandi ku ndaagireebe, niinyija kubahingura, habure orufu rwabahikaho ku ndaabe nincwekyereza ensi ya Misiri.

Eryo izooba muryaguma muriijukye, murikorereho omugyenzo gw'obugyenyi bw'okuhimbisizaho Nyakubaho. Muryaguma muririnde riri ekiragiro ky'ebiro byona omu busingye bwanyu bwona.

Haza abaana baanyu ku baribabuuza bati: Ogu mugyenzo gu murikukora nigumanyisa ki? Mubagire muti: N'ekitambo ky'okwijuka Okuhingura kwa Nyakubaho, ahabw'okuba akahingura amaju g'Abaisiraeli omuri Misiri obu yaita Abanyamisiri akasaasira amaju gaitu; abantu bakainika emitwe yaabo bakaramya.