Vèsè popilè nan Bib la ki soti nan Danièl 7

Pataje

Terus dikèki pangwasa lan kaluhuran lan pangwasané kraton; wong-wong sangka kabèh bangsa, taleré bangsa lan basa terus pada ngabdi marang Panjenengané. Pangwasané kuwi pangwasa sing langgeng, sing ora bakal entèk lan kratoné kuwi kraton sing ora bakal rusak.”

Ing sak njeruhné wahyu ing mbengi kuwi aku terus waé enggonku weruh; terus ana sing teka numpak mendung sangka langit, kaya Putrané Manungsa, sing terus nemoni nang ngarepé Sing Tuwa Umuré mau lan ya terus dituntun nemoni Panjenengané.

Sakwisé mengkono pemrintahan, pangwasa lan kamulyané kraton-kraton ing sak ngisoré sak ubengé langit bakal dikèkké marang para wong sutyi, umat duwèké sing Mahaluhur; pemrintahané iki pemrintahan sing langgeng lan kabèh pangwasa bakal ngabdi lan mbangun miturut marang para sutyi mau.

Sakwisé kuwi para wong sutyi duwèké sing Mahaluhur bakal pada nampani pemrintahan, lan bakal nyekel pemrintahan kuwi ing sak lawas-lawasé, malah langgeng tekan selawasé.