Mitabi imwi yamusamu waoliva yakatyoka, nkabela Leza wakalumika mutabi waoliva wamusokwe mubusena bwayo. Nywebo nobamasi muli mbuli mutabi wamusokwe, pele lino mulatambula nguzu zizwa mumusamu waoliva uusyangwa, nkokuti kuzwa ku Baisilayeli. Nkaambo kaako tamweelede kusampaula aabo bakatyoka mbubuli mitabi yaambwa. Ani inga mwalisumpula buti? Kayi muli mitabi buyo! Tamuli ndinywe mutabilila miyanda pe, pele miyanda njiitabilila ndinywe.