Vèsè popilè nan Bib la ki soti nan Yoana 16

Pataje

Alimoki eong' osi nu, tetere idumunete osi aipuc kotoma kang'. Kotoma akwap ijaikinosi osi ka ican; konye kicasitete, adau eong' akitelekaar akwap.”

Na ebunia Emoyo loka abeite, ebuni nesi ayaite osi toma abeite kere; naarai mam nesi kebuni ejori kanu keng' bon, konye ng'ini ibore ni iirari nesi ebuni nesi ejori, bobo de kitejenikini nesi osi iboro lu ebuuto koking'aren.

Akitodol akolong' na, mam osi kilipito ibore ipede kokiror kang'; kilipata, idumunete osi tetere ailel kus ilelebun pucpuc.

Konye kalimonokini eong' osi abeite: Aikar kang' erait adumunet kama kus, naarai kemam eong' kaikari, mam Lokeng'aranakinan kebuni nama kus. Konye kaika eong', alosi eong' akijukuun nesi nama kus. Na ebunia nesi, ebuni nesi akitodikin itung'a luka akwap ebe ewolito kesi ikamuuti arokusio, adolite nepepe ka atubonokino naka Akuju.

Kanuka ng'un, ituuriete osi kipokona, konye anyuni eong' osi bobo, kosodete itawon kus ailel, emam itwan nikidemari osi ailel kus.” Kapaaran kang'ini mam osi kilosete akilip eong' ibore ipede. Abeit, abeite, kalimokini eong' osi, kilipata osi ibore kere kamaka Papa, kiinakini nesi osi kokiror kang'.

Abeit, abeite, kalimokini eong' osi, ibunete osi akimony kakibwooro, konye ebuni akwap akilel; ilosete osi akituur, konye akituur kus ibelokin araun akilel.