Vèsè popilè nan Bib la ki soti nan رُومِیوں 3

Pataje

ایس لئی پئی سبھناں گُناہ کِیتا تے خُدا دے جلال توں رَیہہ جاندے نیں۔ پر اوہدے فضل توں اوس چُھٹکارے دے سبّب جیہڑا مسِیح یِسُوع وِچ ہوندا اے۔ مُفت راستباز گِنے جاندے نیں۔

یعنی خُدا دی اوہ راستبازی جیہڑی یِسُوع مسِیح اُتّے اِیمان لیاؤن نال ساریاں اِیمانداراں نُوں مِلدی اے کیوں جو کُجھ فرق نئیں۔

اوہنوں خُدا نے مُقرّر کِیتا۔ پئی اوہدے لہو اُتّے اِیمان لیاؤن نال کفّارہ ہوئے۔ تاں جو اوہدی راستبازی دِکھائی جاوے۔ کیوں جو خُدا صبر کر کے پِچّھلے گُناہاں نُوں چھڈ دِتّا۔ تے ایس زمانے وِچ وی اپنی راستبازی ظاہر کرے۔ تاں جو اوہ آپ راستباز رہے۔ تے اوہنوں جیہڑا یِسُوع اُتّے اِیمان لیاوے راستباز ٹھہرائے۔

کیوں جو کوئی بندے شریعت دے کمّاں نال اوہدی نظر وِچ راستباز نا ٹھہرے گا۔ ایس لئی پئی شریعت نال ای گُناہ دی پہچان اے۔

جیویں لِکھیا ہویا اے۔ پئی کوئی راستباز نئیں اِک وی نئیں۔ کوئی سمجھن والا نئیں کوئی خُدا دا لَبّھن والا نئیں۔ سارے بدراہ نیں۔ تے رَل کے نکمّے نیں۔ کوئی نیکی کرن والا نئیں اِک وی نئیں۔

ایس لئی اسی ایہہ سمجھنے آں پئی بندہ اِیمان ای نال شریعت دے کمّاں بِناں راستباز ٹھہر دا اے۔

کدی نئیں سگوں خُدا سَچّا ٹھہرے۔ بھانویں سارے بندے جُھوٹھے ہون جیویں لِکھیا اے۔ پئی تُوں اپنیاں گلّاں وِچ سَچّا ٹھہریں۔ تے عدالت وِچ جِت جاویں۔