Vèsè popilè nan Bib la ki soti nan Valamuli 7

Pataje

Se MKOMA a to womba ka Gidhiyoni a txi khene: “Vathu vava u ku navo mbangi gutu, kasiku ani ni txi ningela Vamidhiyani manzani kwawe.” Nguko va ka Israyeli va nga ti guleta va txi kha vona: “Ngathu hipune hi nga ti hulukisa ngu manza athu.”

Se MKOMA a to gela Gidhiyoni a txi kha ene: “Ni na mi hulukisa, ni ningela Vamidhiyani manzani kwako, ngu vona vathu vava va 300 dwe, avale va nga kapitela mati ngu manza awe. Ani votshe va na tshumele ve tsula mitini kwawe.”

Konkuwa tsula u txi ya gela vathu ku khawe: Awu a ku ni dizowa i ku dipwembwe, a na khukhe mmangoni ka Gileyadhi e tshumelela msana. Konako ku to khukha 22.000 wa vavamna, ve tshumela, kusala 10.000 dwe.

Se MKOMA a to engeta e gela Gidhiyoni a txi khene: Vathu vava i ngadi vangi ngutu. Relela navo u txi ya matini, koneyo ni na ya duka kasi ku u txi sawula a va u no tsula navo: Awule ni no womba ni txi khani “Awuwa a na tsule ni nawe,” eyo u na tsula nayo. A awule ni no khani: Awuwa kha na mbi tsula ni nawe, eyo khu na mbi tsula nayo.

Se ti di nga eto, Gidhiyoni a to relela ni vathu vava a txi ya hawa ku ku ni mati, se MKOMA a to gela Gidhiyoni a txi kha ene: “Votshe vale va no kapitela mati, nga tile yi mahako yimbwa, evo u na va veka didhawa. Aniko votshe vale va no khizama kasiku ve mana kusela mati, evo u na va veka ka dimwani didhawa.” Se mtengo wa vale va nga khadamutela mati ngu manza, va txi ma yisa mkanani i ti ti 300. Votshe vamwani va to khizama kasi kuve mana kusela mati.