Vèsè popilè nan Bib la ki soti nan Dhewuteronome 1

Pataje

MKOMA, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu. Hambi ni txiwulani, mi ti woni ti to MKOMA, Txizimu txako, a mi belekile, nga ti m'thu a belekisako tona mwanana wakwe, ka yotshe nzila yi mi nga tsimbila ngu yona, kala mi hoka ka wuwa wukhalo.”

MKOMA, Txizimu txa vatate vanu, a na mi andise, amu ka digumi da mazana, a txi mi katekisa, nga ti a nga mi thembisisa tona!

“MKOMA, Txizimu txathu, a wombawombile mmangoni ka Horebhi, a txi khene: Anu mi zumbile ngutu ka wuwa mmango.”

Ngu diya ditiko di ani ni nga mi ninga; wulelani ka dona mi txi di fuma, adi MKOMA, ngu txixambanyo, a nga thembisa ku di ningela ka vatate vanu, Abrahamu, Isaake ni Jakobe, se ngu msana kwawe di na va i di da situkulwana sawe.

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.