Vèsè popilè nan Bib la ki soti nan Dhaniyeli 2

Pataje

Dhaniyeli a to womba, a txi khene: “Di na dhumiswe ditina da Txizimu ngu ha ku si gwitiko” nguko wuzivi ni mtamo, nza Txizimu; Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari. Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Dhaniyeli a to xamula masoni ka mfumeli, a txi khene: Txihunja txi mfumeli a txi lavako, kha ku na titxhari, mwendo vahuti, hambi tiñanga, va nga sikotako kutxhamusela ka mfumeli. Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.