Vèsè popilè nan Bib la ki soti nan 2 Korintus 5

Pataje

Dahi, ponna sikenteng tau Kristus, ya' mendahing tau hupatau bakahu. Pa'dang yato katuhoang ang dolu, anna untahimbong tau katuhoang bakahu.

Daine' madosa Puang Yesus Kristus, ampo' nasuo Puang Alataala undurung dosanta. Bahtuanna napasihapang to madosa lambi' mala nasulängngiingke. Napanoa anna malai ingkännaingkea' ang sikente Puang Yesus Kristus la naangka' maroho di olona.

aka' naonge anna tuhokingkea' yaling inde di lino untuhu'iingkea' Dehata mengkalao di kapampetahpa'anta, tadia mengkalao di aka ang mala taita.

Kalaena Puang Alataala ang mampanoa yatoo. Ungngolai Kristus, to di alla', lambi' sikapiaiingke sumule Puang Alataala. Anna nabeaingkea' pengkähängang umpepainsangnging inde kaheba pano di tau senga' lambi' sika mala toe' sikapiai Puang Alataala. Noa indee kaheba ang kipepainsangnging: yato ang nababe Kristus, dianto ang napolalang Puang Alataala umpasikapiai hupatau sibaha Kalaena, lambi' dang napadiinaha kasalaannaii. Anna kami'mitoo ang napopengkähäng umbaha Bahtakaranna pano di tau senga' lambi' sika mala toe' sikapiai Puang Alataala.

Kami' pesuonaang Kristus, sihapang Kalaena Puang Alataala umpake kamahangki' ma'tula' pano di dioa'. Dahi, yaling di sanganna Kristus kipalau la sikapiaimokoa' Puang Alataala.

Napanoa anna malai tau ang tuhoke' dai untuhu'i pampemala kalaena. Ampo' la untuhu'i pampemalanna Kristus, aka' dianto ang mate, mane tuhoi sumule, nasulängngiingke. Dahi, dianto anna damang umpahehsa tau situhu' aka ang mala diita di aneanna. Setonganna dolu kisanga tau biasa Kristus, ampo' dinoa dang kipihki' noa yatoo.

Nasuhung anna noai yatoo pembabeki' aka' pa'kalemunna Kristus. Noa indee pihki'ki': Puang Yesus Kristus mate unsulängngi ingkänna tau, dahi sihapang mate asangngingkea'.