Vèsè popilè nan Bib la ki soti nan 1 Yohanes 2

Pataje

Daa umpalupano inahammu di ingkänna kakarakeang yaling inde di lino. Aka' ponna umpanoa, maleso anna dai la lupano inahammu di Ambeta. Aka' yato sipa' karakena hupatau yaling inde di lino, sinnoanna: membabe situhu' pampemalanna, kamailuang, anna kaungngangka'-angka'ang kalae, dai sule yaho mai di Ambeta, ampo' dahi yaling di lino.

Inde ihsinna lino sibaha ingkänna kamailuang karakena daete' la tontong lolo. Ampo' menna-menna umpembabeing pa'elo'na Puang Alataala dianto ang la tuho lolo lambi' sapano-panona.

Ampo' menna-menna si untuhu'i si'da-si'da pahentana, tau yatoo sundummi pa'kalemunna pano di Puang Alataala. Menna-menna mangngoatee, ”Ungnginsangngä' Puang Alataala,” pahallu membabe sinnoa Puang Yesus. Noantoo la dipangnginsangngi dioatee tohhoingkea' yaling di Puang Alataala.

O ingkämmua' änä'ku, tula' yatoo kupayalingngingkoa' inde di suha' anna malai dakoa' umbabe dosa. Ampo' ke ahai tau umbabe dosa, dai la mahea' aka' aha Puang Yesus Kristus To Tahpa' ang la mampa'tula'ingkea' di hao di olona Ambeta.

Ke ahai tau mangngoatee, ”Kuinsang si'da Puang Alataala,” ampo' dai si natuhu'i pahentana, maleso tau yatoo to pa'loseng-loseng anna dai umpadiinaha katahpa'anna Puang Alataala.

La malesong dioatee ungnginsang si'daingkea' Puang Alataala ke dituhu'i loloi ingkänna pahentana.

Ponna aha tau mangngoatee, ”Tuho yalimmä' di kamabayaang; dai aha sallaanna pembabeku.” ampo' ungkahiri' solana to mampetahpa', ya' tau yatoo tuho yalingke'te' di kamalillingang.

Darakate' tau ang dioaintee to pa'loseng-loseng dianto ang mangngoatee, ”Puang Yesus tadia To Dilanti' la Mepasalama'”? Tau yatoo dianto balinna Puang Yesus Kristus, anna dia tunto ang umbahoi Ambeta sibaha Änä'na.

Menna-menna umbahoi yato Änä', tau yatoo dai tohho yaling di Ambeta. Ampo' menna-menna tontong lolo ungngakui Änä', inang ungnginsang Ambeta.