Vèsè popilè nan Bib la ki soti nan 1 Korintus 3

Pataje

Darakaa' dio ungnginsang ungngoatee sihapangkoa' Dasanna Puang Alataala? Bahtu' Inaha Maserona Puang Alataala tohho yaling di alla'-alla'mu?

Supung ke mampetahpa'i tau pano di Puang Yesus anna malai mendahi petauanna Puang Alataala. Mala dioatee Puang Yesus Kristus dianto yato batu ang natanang Puang Alataala ang naongei dipampake'de'i yato dasang, dai aha senga'na.

Yato tau ang mangngambo' anna yato ang mambayai daine' pahallu liu. Ang handang pahallu, dianto Puang Alataala aka' dianto ang mampalobo'.

Kami'mitoo sihapang mesa kombongang to pobela' ang napotau Puang Alataala, anna dioa'-dio, solasohong, sihapangkoa' dio bela'na. Mala toukoa' dipasihapang dasanna Puang Alataala.

Dahi ponna ke naämpu'ii api yato dasang, ya' la landa' pole' aka yato ang dipake mampake'de' ang mahasa anna ang tahuhu, aka' yato ang mahasa la tontong, ampo' yatone' ang tahuhu la mämpu' nei'. Noa tunne' pengkähänna yato ingkänna petauanna Dehata la landa' pole' ke sumuleng Puang Yesus, aka' di allo yatoo la napahehsa Dehata pengkähänna ingkänna tau: la mahasaraka, daraka.

Tau ang mangngambo' anna tau ang mambayai sinnoa siang pahtuyunna. Anna sahing la untahimbo sahona situhu' pengkähänganna.

Daa umbulitu' kalaemua'. Ponna ke ahai di alla'mu tau ang unsanga kalaena manähäng situhu' pangngitanna to lino, ya' pahallu la mentomaho di olona hupatau anna malai mendahi manähäng si'da-si'da di olona Puang Alataala.