Vèsè popilè nan Bib la ki soti nan Fèɖópĩ̀à 3

Pataje

Ḿ ɖíí ɓě, ḿ seɛ hwìɖǐi poìn kà ɓɛ́ ḿ ɖǎa dyi kpɔ̃ nɔ̀ɔ̀ kɛ. Kɛɛ ɖɛ dyúáɖò ɓɛ́ ḿ nyuɛɛ, ɔ kɛ̀. Ɔ mɔ̀, ɖɛ ɓě ɓɛ́ ḿ ɖǎà dyíin zi, ké wa nìà ɖé ḿ ɖeín nyɛɛ jè sɔ̀ ḿ hwìɖǐi, ké ḿ vɔ̃ ɓɛ́ ḿ ké ɖɛ nì ɖé dyúa kɛɛ gbo nyini. Ḿ nì ɖɛ kɔ̃̀ jè ḿ nìà vɔ̃uń wɛ̃ɛ kíɖíí nɛ́iń, ɓɛ́ ḿ ké ɖɛ kɔ̃̀ jè ḿ nìà vɔ̃uń wɛ̃ɛ dyé. Ɔ mɔ̀ ɖáa ɓɛ́ Gèɖèpɔ́ɔ̀ ɖáà à nììn, ɓɛ́ dyììn ɖé Kɛ́ɖɛ́ì Jízɛ̀ múɛɛ, à ké fɛ̀ɛ̀ nìà ɖé dyɔún wɛ̃ɛ ɓéɖéɛ.

Kɛɛ ɖɛ séín ḿ mɔ́ɛɛ, ɔ mɔ̀ ɓɛ́ ḿ ké Kɛ́ɖɛ́ì dyí dyuò, ɔ kè ɓɛ́ ḿ ké ɔ kpé ɓɛ́ ɔ ɓéɖé ma, ké ɔ wóɖó ma gĩɔ kɛɛ dyí dyuò. Ḿ mɔ́ ɓɛ́ ḿ kèɔ̀ kè ké ɔ gǎ-dyé-dyé ɓěɔ̀ mú peɖeìn, ɓɛ́ kà ɔ nì ma ɓɛ́ ɔ dyià mɛ́ɛ, mɔ́ún ké ná nì, ɓɛ́ ɔ dyi ná nìɛ̀ ɓɛ́ìn ní, ḿ ké gĩɔ wóɖó.

Ɔ se ɖɛ ɓěa ɖòùn, kɛɛ ḿ ɖáìn ɖɛ séín ɖɛ se ɖɛ kpa pū ɓó ɖɛ ɓɛ́ ɔ kpa ɖɛ ké ɔ zi ɖɛ ɓě nìàǒ wɛɛ dyí vɛ̃in nyɛɛ jè. Ɔ mɔ̀ Kɛ́ɖɛ́ì Jízɛ̀ mɔ̀à ní Bounɓoɔ̀ kɛɛ dyí-dyuò-dyuò. Ɓó ɔ jè, ḿ ɖǎ ɖɛ séín xwáɖáún sè. Ḿ ɖáìn wa séín sĩ̀ɔ̌, ɓɛ́ ḿ ké Kɛ́ɖɛ́ì ɓéɖé

Ɖɛ ɓě nìàǒ wɛɛ mɔ̀ ma ɖɛ ɓě kɔ̃̀ mú ḿ dyéìn ma ɖɛɛ, kɛɛ ḿ ɖáìn wa ɖɛ se ɖɛ kpa ɓě kàǔn ɓó Kɛ́ɖɛ́ì jè.